వేలం సమయంలో ఫ్రాంచైజీ ఓనర్లకు ఇచ్చిన ప్లేయర్ కార్డుల్లో అశ్విని సాధించిన విజయాలు ప్రద్న్య సాధించినవిగా చూపించారట.ప్రద్న్య 2012లో తొలిసారి జాతీయ డబుల్స్ను గెలిచింది. 2011లో స్విస్ ఓపెన్ డబుల్స్ టైటిల్ నెగ్గింది. అయితే అశ్విని-జ్వాల జోడీ గెలిచిన 2010 కామన్వెల్త్ డబుల్స్ స్వర్ణాన్ని, 2011 ప్రపంచ చాంపియన్షిప్ కాంస్య పతకాన్ని ప్రద్న్య ఖాతాలో వేశారట.
ఇక ఈ ఏడాది మలేసియా ఓపెన్లో అశ్విని-ప్రద్న్య జోడీ క్వార్టర్ ఫైనల్కు చేరారు. అది కూడా ప్రద్న్య పేరునే నమోదు చేశారట. ఐకాన్ ప్లేయర్గా ఒప్పందం కుదుర్చుకున్న తాను తక్కువ ధర పలకడంపై అశ్విని మండిపడింది. తన భాగస్వామికి ఎక్కువ రేటు దక్కడం, తనకి మాత్రం తక్కువ రేటు పలకడం ఏమిటో అర్థం కావడం లేదని వాపోయింది.
నమ్మలేకపోయిన ప్రద్న్య
ఐబిఎల్ వేలంలో కనీస ధర తగ్గించడంపై జ్వాలా, అశ్విని పొన్నప్పలు మండిపడుతుంటే మరోవైపు ప్రద్న్య గాద్రె సంతోషపడుతోంది. వేలంలో తాను 27.5 లక్షలు పలకడం నమ్మలేకపోయానని ప్రద్న్య చెప్పారు. ఇంత ధర పలుకుతుందని తాను ఊహించలేదని, ఆశ్చర్యపోయానని చెప్పారు.