తన కుక్కకు సచిన్ పేరు పెట్టిన దక్షిణాఫ్రికా బౌలింగ్ కోచ్

న్యూఢిల్లీ‌: దక్షిణాఫ్రికా బౌలింగ్ కోచ్ విన్సెంట్ బర్నేస్ తన శునకానికి సచిన్ టెండూల్కర్ పేరు పెట్టుకున్నాడు. తాను సచిన్‌ను మిస్సవుతున్నానని ఆయన అన్నాడు. అయితే, సచిన్ భారత బ్యాట్స్‌మన్ టెండూల్కర్ కారని, అతని కుక్క అని తర్వాత తెలిసింది. సచిన్ టెండూల్కర్‌పై గౌరవంతోనే తాను ఆ పేరు పెట్టుకున్నట్లు అతను చెప్పాడు. సచిన్ ఇక్కడ లేడు, నేను అతన్ని మిస్సవుతున్నాను అని విన్సెంట్ ఓ వార్తాపత్రికతో అన్నాడు.

సచిన్‌ను తాను ఇక్కడికి తీసుకుని రాలేకపోయానని, అతని చూసుకునేందుకు ఇంటి వద్ద చాలా మంది ఉన్నారని అతను చెప్పాడు. సచిన్ టెండూల్కర్ విన్సెంట్ అభిమాన క్రికెటర్. దాంతోనే అతను తన కుక్కకు ఆ పేరు పెట్టుకున్నాడు. అతను సూపర్ మ్యాన్ అని, ఏదైనా చేయగలడని విన్సెంట్ అన్నాడు.