ఆసియా క్రీడల్లో సోమ్ దేవ్ చరిత్ర: టెన్నిస్ లో రెండో స్వర్ణం

గాంగ్ జౌవ్: ఆసియా క్రీడల టెన్నిస్ విభాగంలో భారత క్రీడాకారుడు సోమ్ దేవ్ వర్మన్ చరిత్ర సృష్టించాడు. టెన్నిస్ పురుషుల సింగిల్స్ లో సోమ్ దేవ్ వర్మన్ భారత్ కు స్వర్ణ పతకం సాధించి పెట్టాడు. ఆయనకు ఇది ఆసియా క్రీడల్లో రెండో స్వర్ణ పతకం.

భారత్ ఖాతాలో ఏడు స్వర్ణాలు చేరాయి. ఫైనల్లో సోమ్ దేవ్ ఉజ్బెకిస్తాన్ కు చెందిన డెనిస్ ఇస్తోమిన్ ను 6-1, 6-2 స్కోరుతో ఓడించి స్వర్ణ పతకం సాధించాడు. డబుల్స్ ఈవెంట్ లో సోమవారం సోమ్ దేవ్ స్వర్ణ పతకం సాధించాడు. భారత్ ఇప్పటి వరకు టెన్నిస్ లో మూడు కాంస్య పతకాలు సాధించింది.