శివేంద్రపై మూడు మ్యాచ్ ల సస్పెన్షన్

న్యూఢిల్లీ: పాకిస్తాన్ ఆటగాడిని ఉద్దేశ్యవూర్వకంగా కొట్టాడనే ఆరోపణపై భారత క్రీడాకారుడు శివసేంద్ర సింగ్ పై హాకీ ప్రపంచ కప్ లో మూడు మ్యాచుల పాటు సస్పెన్షన్ వేటు పడింది. పాకిస్తాన్, భారత్ ల మధ్య ఆదివారం జరిగిన తొలి లీగ్ మ్యాచ్ లో శివేంద్ర సింగ్ భారత్ తరఫున తొలి గోల్ చేశాడు. తీవ్ర ఉత్కంఠ మధ్య సాగిన ఈ మ్యాచును భారత్ 4-1 స్కోరుతో గెలుచుకుంది.

శివేంద్రసింగ్ పాక్ ఆటగాడిని కొట్టాడనే ఆరోపణల్లో దోషిగా తేలిందని ప్రపంచ కప్ అధికార వర్గాలు చెప్పాయి. శివేంద్ర సింగ్ పాక్ ఆటగాడిని ఉద్దేశ్యవూర్వకంగానే కొట్టాడని ఆ వర్గాలు ఒక ప్రకటనలో అన్నాయి. శివేంద్ర సింగ్ పై పాకిస్తాన్ ఫిర్యాదు చేసింది. సస్పెన్షన్ కు వ్యతిరేకంగా అపీల్ చేయాలని భారత టీమ్ మేనేజ్ మెంటు నిర్ణయించారు.