జాతీయ షూటింగ్ ఛాంపియన్‌షిప్: ఒకే రోజు నాలుగు స్వర్ణాలు గెలిచాడు

హైదరాబాద్: 61వ జాతీయ షూటింగ్‌ ఛాంపియన్‌షిప్‌లో ఉత్తరప్రదేశ్‌కు చెందిన 14 ఏళ్ల శార్దూల్‌ విహాన్‌ అనే షూటర్ సంచలన ప్రదర్శన చేశాడు. అతను అందర్ని ఆశ్చర్యపరుస్తూ ఒకేరోజు నాలుగు స్వర్ణాలు సాధించి సత్తా చాటాడు. సీనియర్‌, జూనియర్‌ డబుల్‌ ట్రాప్‌ వ్యక్తిగత విభాగాల్లో పసిడి పతకాలు సాధించిన విహాన్ టీమ్‌ ఈవెంట్లలో కూడా పసిడి పతకాలు నెగ్గాడు.

పురుషుల డబుల్‌ ట్రాప్‌ సింగిల్స్‌ ఫైనల్స్‌లో ప్రపంచ నంబర్‌వన్‌ అంకుర్‌ మిట్టల్‌ను 78-76తో ఓడించాడు. ఇక జూనియర్‌ ఫైనల్లో మరో అంతర్జాతీయ ఆటగాడు శపథ్‌ భరద్వాజ్‌పై శార్దూల్‌ 77-74తేడాతో గెలిచాడు. సీనియర్‌ టీమ్‌ ఈవెంట్‌ (411), జూనియర్‌ టీమ్‌ ఈవెంట్‌ (392)లోనూ పసిడి పతకాలను సాధించాడు.