సౌరవ్ గంగూలీకి షాక్: భూకేటాయింపును రద్దు చేసిన సుప్రీం

న్యూఢిల్లీ: భారత క్రికెట్ జట్టు మాజీ కెప్టెన్ సౌరవ్ గంగూలీకి సుప్రీంకోర్టు షాక్ ఇచ్చింది. గత వామపక్ష ప్రభుత్వం గంగూలీకి కేటాయించిన సాల్ట్ లేక్ భూ కేటాయింపును సుప్రీంకోర్టు గురువారం రద్దు చేసింది. ఈ భూకేటాయింపు అక్రమమని సుప్రీంకోర్టు వ్యాఖ్యానించింది. లీజును కూడా సుప్రీంకోర్టు రద్దు చేసింది. ఆ స్థలాన్ని రెండు వారాల్లోగా ప్రభుత్వానికి స్వాధీనం చేయాలని సుప్రీంకోర్టు గంగూలీని ఆదేశించింది. స్థలాన్ని వెనక్కి తీసుకోవడానికి గంగూలీ చెల్లించిన సొమ్మును రెండు వారాల్లోగా తిరిగి ఇవ్వాలని ప్రభుత్వాన్ని ఆదేశించింది.

గంగూలీకి గత వామపక్ష ప్రభుత్వం 63.04 ఎకరాల భూమిని కేటాయించింది. సాల్ట్ లేక్ సిటీలో ఈ కేటాయింపు జరిగింది. క్రీడలకు ప్రత్యేక స్థానం కల్పిస్తూ అంతర్జాతీయ పాఠశాలను స్థాపించడానికి ప్రభుత్వం గుంగూలీకి ఆ భూమిని కేటాయించింది.