కాంస్య పతకం: రమేష్ కుమార్ చరిత్ర

న్యూఢిల్లీ: డెన్మార్క్ లోని హెర్మింగ్ లో భారత రమేష్ కుమార్ ప్రపంచ రెజ్లింగ్ ఛాంపియన్ షిప్ పోటీల్లో కాంస్య పతరం సాధించి చరిత్ర సృష్టించాడు. కుమార్ మోల్దోావకు చెందిన అలెగ్జాండర్ బుర్కాను ఓడించి కాంస్యం సాధించాడు. మొదటి సెషన్ లో 0-3తో వెనకబడిన కుమార్ సెకండ్ సెషన్ లో రెండు పాయింట్లుసాధించాడు. ఆ తర్వాత ఫైనల్ సెషన్ లో ఐదు పాయింట్లు సాధించి ప్రత్యర్థిని చిత్తు చేశాడు.

అంతకు ముందు కుమార్ అమెరికాకు చెందిన డస్టిన్ ష్లాటర్ ను 3-2 స్కోరుతో ఓడించాడు. ఆ తర్వాత గ్రేట్ బ్రిటన్ కు చెందిన మైఖెల్ గ్రుండీని ఓడించాడు. కుమార్ అజర్ బైజాన్ కు చెందిన శామసుల్వారా చేతిలో 0-5తో ఓడిపోయి స్వర్ణానికి పోటీ పడే అవకాశాన్ని కోల్పోయాడు. ఈ పోటీల్లో రష్యాకు చెందిన డెనిస్ సార్గుష్ స్వర్ణ పతకం గెలుచుకున్నాడు.