మొక్కుతీర్చుకున్న రజనీ అభిమానులు

తమిళ సూపర్ స్టార్ రజనీకాంత్ కు ఆధ్యాత్మిక చింతన ఎక్కువ అనే సంగతి తెలిసిందే. తాజాగా రజనీ అభిమానులు కూడా ఆయనకు ఏమాత్రం తీసిపోకుండా దైవ భక్తిని చాటుకున్నారు. రజినీ ఇటీవల అనారోగ్యానికి గురై కోలుకున్న నేపథ్యంలో.....1008 మంది అభిమానులు తమిళనాడు పలానిలో ఉన్న మురుగన్ దేవాలయంలో మొక్కు తీర్చుకున్నారు. 48 గంటల పాటు ఉపవాస దీక్ష కొనసాగించి తలనీలాలు సమర్పించుకున్నారు. త్వరలో రజినీ కూడా ఈ టెంపుల్ను సందర్శించనున్నారు.

ప్రస్తుతం కెఎస్ రవికుమార్ దర్శకత్వంలో 'రాణా" సినిమా చేస్తున్న రజిని....అనారోగ్యం నుంచి ఇప్పుడిప్పుడే కోలుకుంటున్నారు. అక్టోబర్ లో మళ్లీ రాణా షూటింగు మొదలు కానుంది. ఈ సినిమాకు సంగీతం అందిస్తున్న ఏఆర్ రెహమాన్..ఇప్పటికే నాలుగు పాటలను పూర్తి చేశారు. షూటింగులో భాగంగా తొలుత రజిని-దీపికపడుకొనెపై ఈ పాటలను పిక్చరైజ్ చేయనున్నారు.