మరో ఓబుళాపురం అవుతుంది: రాఘవులు

హైదరాబాద్: గ్రేటర్ హైదరాబాద్ ఎన్నికల్లో కాంగ్రెసు పార్టీని గెలిపిస్తే నగరం మరో ఓబుళాపురం అవుతుందని సిపిఎం రాష్ట్ర కార్యదర్శి బివి రాఘవులు అన్నారు. ఆయన సోమవారం ఉదయం తన ఓటు హక్కును వినియోగించుకున్నారు. కాంగ్రెసు, మజ్లీస్ పార్టీలను గ్రేటర్ హైదరాబాద్ ఎన్నికల్లో గెలిపిస్తే హైదరాబాద్ మరో ఓబుళాపురం అవుతుందని ఆయన మీడియా ప్రతినిధులతో అన్నారు.

తాము గెలిచినా ఓడినా ప్రజాసమస్యలపై పోరాటం చేస్తామని ఆయన చెప్పారు. ఈ ఎన్నికల్లో ఏ విధమైన నిర్ణయం తీసుకోవాలో ప్రజలే ఆలోచించుకోవాలని ఆయన అన్నారు. సిపిఐ రాష్ట్ర కార్యదర్శి కె. నారాయణ హిమాయత్ నగర్ లో తన ఓటు హక్కును వినియోగించుకున్నారు.