ప్రాణాలకు తెగించి పోటీల్లో పాల్గొనేందుకు సిద్ధమా..?

స్కై రేసర్లకు అంతే స్థాయిలో:

కెనడాలో జరిగిన రేసుల్లో రెండుసార్లు ఒలింపిక్‌ ఛాంపియన్‌ డేవిడ్‌ పియోసన్‌ (ఫ్రాన్స్‌), జర్మనీ టీనేజర్‌ మాక్స్‌ బుర్క్‌హర్ట్‌ ప్రాణాలు కోల్పోయారు. ఇక గాయాలపాలై కెరీర్‌ పోగొట్టుకున్న వాళ్లకైతే లెక్కే లేదు. ఒక ఫార్ములావన్‌ డ్రైవర్‌కు ఎంత ప్రమాదం పొంచి ఉంటుందో స్కై రేసర్లకు కూడా అంతే స్థాయి ప్రమాదం ఉంటుంది.

ప్రమాదాలు ప్రతి సారీ జరగవు:

‘‘ఈ క్రీడలు చాలా ప్రమాదకరం అని తెలుసు. అన్నింటికి సిద్ధపడే ఈ ఆటలు ఆడతాం. గాయాలు ఈ క్రీడల్లో భాగం. ప్రమాదాలు ప్రతిసారీ జరగవు.ఈ ఆటలు ప్రమాదకరం అనే విషయాన్ని మరిచి పోటీపడాలి. సాహసం చేయాలా లేదా అనేది మన ఇష్టం'' అని పియోసన్‌ సహచరుడు బ్లెయిజ్‌ అన్నాడు.

అస్వస్థతకు గురైన సిబ్బంది:

1200 మంది గార్డుల ఉపసంహరణ: నొరోవైరస్‌ కారణంగా శీతాకాల ఒలింపిక్స్‌ నుంచి 1200 మంది భద్రతా సిబ్బందిని ఉపసంహరించారు. ఈ సిబ్బందిలో 41 మందికి అకస్మాత్తుగా వాంతులు, వీరేచనాలు మొదలయ్యాయి.

వేగంగా వైరస్ వ్యాప్తి:

ఆస్పత్రికి తరలించగా.. వారికి నోరోవైరస్‌ ఇన్‌ఫెక్షన్‌ సోకినట్లు తేలింది. దీంతో సిబ్బందిని మొత్తం ఉపసంహరించి, వారి స్థానంలో 900 మంది సైనికులను నియమించారు. నొరోవైరస్‌ ఒకరి నుంచి ఒకరికి వేగంగా సంక్రమిస్తుంది.

ఇవే కారకాలు:

కలుషిత ఆహారం, కలుషిత నీటి ద్వారా కూడా ఇది వ్యాప్తి చెందుతుంది. ఈ వైరస్‌ ఎక్కడి నుంచి వచ్చిందో తెలుసుకునేందుకు అధికారులు విచారణ జరుపుతున్నారు.