69రన్స్‌కే కుప్పకూలిన కెన్యా: న్యూజీలాండ్ ఘన విజయం

చెన్నై: ప్రపంచకప్‌లో భాగంగా ఆదివారం చెన్నైలో జరిగిన కెన్యా, న్యూజిలాండ్‌ మధ్య జరిగిన వన్డేలో న్యూజీలాండ్ ఘన విజయం సాధించింది. మొదట బ్యాటింగ్ చేసిన కెన్యా 23.5 ఓవర్లలో 69 పరుగుల అతి తక్కువ పరుగులకే ఆల్ అవుట్ అయ్యింది. టాస్ గెలిచి ముందుగా బ్యాటింగ్ చేసిన కెన్యా 70 స్వల్ప విజయ లక్ష్యాన్ని న్యూజీలాండ్ ముందు ఉంచింది. కివీస్ బౌలర్ల ధాటికి కెన్యా ఆటగాళ్లు నిలబడలేకపోయారు.

ముగ్గురు మాత్రమే రెండకెల స్కోరు చేశారు. ముగ్గురు డకౌట్ అయ్యారు. కివీస్ బౌలర్లలో బెన్నెట్ 4, సౌతీ 3, ఓరమ్ 3 వికెట్లు తీశారు. 70 పరుగుల స్వల్ప లక్ష్యంతో బరిలోకి దిగిన న్యూజీలాండ్ కేవలం 8 ఓవర్లలోనే 10 వికెట్ల తేడాతో ఘన విజయం సాధించింది. మార్టిన్ గుప్తిల్ 39, మెకల్లమ్ 26 పరుగులు చేసి నాటౌట్‌గా నిలిచారు. న్యూజీలాండ్ 72 పరుగులు చేసి ఒక్క వికెట్‌ను కూడా కోల్పోలేదు.