నేను సాధించిన మెడలే నా విమర్శకులకు సమాధానం: ద్యుతీ చంద్

My medal is an answer to my critics says sprinter Dutee Chand

నేను సాధించిన స్వర్ణ పతకమే నా విమర్శకులకు సమాధానం చెబుతుంది అని భారత స్టార్ స్ప్రింటర్ ద్యుతీ చంద్ పేర్కొన్నారు. తాజాగా ఇటలీలోని నపోలీ వేదికగా జరిగిన వరల్డ్ యూనివర్సిటీ గేమ్స్‌లో ద్యుతీ చంద్ స్వర్ణ పతకం సాధించి చరిత్ర సృష్టించింది. మహిళల 100 మీటర్ల రేసును ద్యుతీ చంద్ 11.32 సెకన్లలో ముగించి యూనివర్సిటీ పోటీల్లో స్వర్ణ పతకం సాధించింది. దీంతో ఈ పతకం సాధించిన తొలి భారత అథ్లెట్‌గా ద్యుతి రికార్డుల్లోకి ఎక్కింది.

యూనివర్సిటీ గేమ్స్‌లో స్వర్ణం:

యూనివర్సిటీ గేమ్స్‌లో స్వర్ణం:

ఎనిమిది మంది పోటీపడ్డ ఈ రేసులో నాలుగో లైన్ నుంచి పరుగు మొదలుపెట్టిన ద్యుతి.. 11.32 సెకన్లలో గమ్యాన్ని చేరింది. ద్యుతీ చంద్ భువనేశ్వర్‌లోని కళింగ ఇనిస్టిట్యూట్ ఆఫ్ ఇండస్ట్రియల్ టెక్నాలజీ (కేఐఐటీ) విశ్వవిద్యాలయ విద్యార్థి. అయితే గత సంవత్సరం జరిగిన ప్రపంచ జూనియర్ అథ్లెటిక్స్ ఛాంపియన్‌షిప్‌లో 400 మీటర్ల రేసులో హిమదాస్ కూడా స్వర్ణం సాధించింది.

అమ్మాయితో సహజీవనం:

అమ్మాయితో సహజీవనం:

ఒడిషాకు చెందిన ద్యుతీ చంద్ ఇటీవలి కాలంలో ఆటతోనే కాదు తన వ్యక్తిగత విషయాలతో కూడా వార్తల్లో నిలిచింది. సమీప బంధువైన టీనేజ్ అమ్మాయితో సహజీవనం చేస్తున్న విషయాన్ని ప్రకటించి సంచలనం సృష్టించింది. దీంతో ఆమె కుటుంబ సభ్యులతో పాటు చాలా మంది ఆమెను టార్గెట్ చేసారు. తాజాగా మీడియా సమావేశంలో సహజీవనం గురించి మాట్లాడటానికి ద్యుతీ నిరాకరించింది. కానీ.. నా పతకం విమర్శకులకు సమాధానం చెబుతుంది అని పేరొన్నారు.

పూర్తి దృష్టి ఆటపైనే:

పూర్తి దృష్టి ఆటపైనే:

ద్యుతీ చంద్ మాట్లాడుతూ... '2014లో అనేక వివాదాలు జరిగాయి. ప్రజలు నన్ను విమర్శించారు. ఆ తర్వాత రియో ​​ఒలింపిక్స్‌లో నా ప్రదర్శనతో వారికి సమాధానం ఇచ్చాను. ఇప్పుడు కూడా అందరూ నేను ఆటపై దృష్టి పెట్టడం లేదని అంటున్నారు. నేను సాధించిన మెడలే నా విమర్శకులకు సమాధానం. నా పూర్తి దృష్టి ఆటపైనే ఉంది' అని ద్యుతీ తెలిపింది.

 టోక్యో క్రీడలకు అర్హత సాధిస్తా:

టోక్యో క్రీడలకు అర్హత సాధిస్తా:

'వరల్డ్ యూనివర్సిటీ గేమ్స్‌, ఒలింపిక్స్‌కు దగ్గరి పోలికలు ఉంటాయి. పోటీ చాలా ఎక్కువగా ఉంటుంది. ప్రపంచ ఉత్తమ క్రీడాకారులు యూనివర్సిటీ గేమ్స్‌లలో పాల్గొంటారు. విజయం సాధించాలంటే చాలా కష్టం. ఒలింపిక్ క్వాలిఫైయింగ్ మార్కును సాధించాలని ఆశిస్తున్నాను. నేను ఖచ్చితంగా మరింత మెరుగ్గా రాణించగలను, టోక్యో క్రీడలకు అర్హత సాధించగలను. ఈ సంవత్సరం నాకు అద్భుతంగా గడుస్తోంది. ఒడిశా ప్రభుత్వం నాకు అండగా ఉంది' అని ద్యుతీ చెప్పుకొచ్చారు.

For Quick Alerts
ALLOW NOTIFICATIONS
For Daily Alerts
Story first published: Tuesday, July 16, 2019, 10:51 [IST]
Other articles published on Jul 16, 2019
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more