ముంబై ఇండియన్స్ బౌలర్ లసిత్ మలింగ బీమర్స్‌కు జరిమానా

ముంబై‌: తన యార్కర్లతో ప్రత్యర్థి జట్టు బ్యాట్స్‌మెన్‌ గుండెల్లో రైళ్లు పరిగెత్తిస్తున్న శ్రీలంకకు చెందిన ముంబై ఇండియన్స్ బౌలర్ లసిత్ మలింగకు జరిమానా పడింది. శనివారం వాంఖడే స్టేడియంలో డేర్ డెవిల్స్‌తో జరిగిన మ్యాచులో డిఎల్‌ఎఫ్ ఇండియన్ ప్రీమియర్ లీగ్ (ఐపియల్) నిబంధనలను ఉల్లంఘించినందుకు అతనికి ఆ జరిమానా విధించారు.

బీమర్స్ వేసినందుకు లసిత్ మలింగ తన తప్పును అంగీకరించాడు. ఢిల్లీ డేర్ డెవిల్స్‌తో జరిగిన మ్యాచు చివరి ఓవర్‌లో రెండు బీమర్స్ వేశాడు. మ్యాచ్ రెఫరీ రోషన్ మహానామా ఆ జరిమానా విధించారు. మలింగ మ్యాచు ఫీజులో ఐదు శాతం కోత పెట్టారు. ఈ మ్యాచును 32 పరుగుల తేడాతో ముంబై ఇండియన్స్ గెలుచుకుంది.