Kho Kho World Cup : జగజ్జేతగా భారత్.. 'ఈ విజయం యువతరానికి స్ఫూర్తి'

ఖోఖో ప్రపంచ కప్‌ తొలి ఎడిషన్ లో ఆతిథ్య భారత్‌ ఆధిపత్యాన్ని ప్రదర్శించింది. అంతర్జాతీయ స్థాయిలో నిర్వహించిన గ్రామీణ క్రీడ ఖోఖో వరల్డ్ కప్ టోర్నీలో అదిరే ప్రదర్శన చేసింది. అటు పురుషుల విభాగంలో, ఇటు మహిళల విభాగాంలో రెండింటిలోనూ విజేతగా అవతరించింది.

మోదీ ప్రశంసలు
ఈ ఖోఖో ప్రపంచ కప్‌ సొంతం చేసుకోవడంపై దేశవ్యాప్తంగా క్రీడాభిమానులు పలువురు ప్రముఖులు ప్రశంసలు కురిపిస్తున్నారు. ఈ క్రమంలోనే భారత జట్లను ప్రధాన మంత్రి నరేంద్ర మోదీ కూడా అభినందించారు. ఈ విజయం యువతరానికి స్ఫూర్తిని ఇస్తుందని ఎక్స్‌ వేదికగా రాసుకొచ్చారు.

అమ్మాయిల దూకుడు
మహిళల ఫైనల్లో భారత జట్టు‌ 78-40తో నేపాల్‌ను ఓడించింది. ఆట ప్రారంభం నుంచే దూకుడుగా ఆడిన మన అమ్మాయిలు.. చివరి వరకు జోరు ప్రదర్శించారు. కెప్టెన్‌ ప్రియాంక ఇంగ్లే, వైష్ణవి మంచిగా రాణించడం వల్ల ఆధిక్యంలోకి వెళ్లింది. ఈ క్రమంలోనే టైటిల్‌ను సొంతం చేసుకుంది.

మొదటి నుంచే ఎటాకింగ్ గేమ్
పురుషుల విభాగంలో భారత‌ జట్టు 54-36తో నేపాల్‌పై గెలుపొందింది. ప్రారంభంలోనే ఎటాకింగ్‌ గేమ్‌ ఆడిన భారత జట్టు 26-0తో ఆధిక్యంలోకి వెళ్లింది. అయితే ఆ తర్వాత నేపాల్‌ కాస్త ప్రతిఘటించింది. అయినా దూకుడు కొనసాగించిన భారత్‌.. చివరికి టైటిల్ ను దక్కించుకుంది.