హైదరాబాద్: భారత స్నూకర్ ప్లేయర్ కీర్తనా పాండియన్ ఐబీఎస్ఎఫ్ వరల్డ్ అండర్-16 స్నూకర్ ఛాంపియన్స్ టైటిల్ను సొంతం చేసుకుంది. కీర్తనకు ఇదే తొలి అంతర్జాతీయ టైటిల్ కావడం విశేషం. కీర్తన ఫైనల్లో బెలారస్కు చెందిన అల్బినా లెస్చక్ను 3-1 తేడాతో ఓడించింది. నాలుగో సీడ్గా బరిలో దిగిన కీర్తన.. వరుసగా మనస్విని శేఖర్, రష్యాకు చెందిన అలినా ఖైరులినాలను ఓడించింది.
సెమీఫైనల్లో మన దేశానికే చెందిన డిఫెండింగ్ ఛాంపియన్ అనుపమ రామచంద్రన్తో తలపడింది. అనుపమతో పోరులో తొలి ఫ్రేమ్ను ఓడినప్పటికీ 3-1 తేడాతో గెలిచి ఫైనల్ చేరింది. గత ఏడాదే అండర్-16 విభాగంలో స్నూకర్ ఛాంపియన్షిప్ ప్రారంభించారు. కీర్తనతోపాటు అనుపమ ఫైనల్ చేరగా.. తుది పోరులో కీర్తన 1-3 తేడాతో ఓడింది.
India's Keerthana Pandian has won the girls' title in the IBSF World Under-16 Snooker Championships held in Russia. Keerthana won the girls' title by outclassing Belarussian rival Albina Leschuk 3-1 in the final pic.twitter.com/TJGOafhaV1
— CNBC-TV18 (@CNBCTV18Live) October 7, 2018
ఫైనల్లోనూ తొలి ఫ్రేమ్ కోల్పోయిన కీర్తనా.. తర్వాతి ఫ్రేమ్ నెగ్గి 1-1తో స్కోరును సమం చేసింది. తర్వాత పూర్తి నియంత్రణతో ఆడిన ఆమె.. వరుసగా రెండు ఫ్రేమ్లను నెగ్గి ఛాంపియన్షిప్ సాధించింది. సెయింట్ పీటర్స్బర్గ్లో జరిగిన ఈ పోటీల్లో బాలుర విభాగంలో బెల్జియంకు చెందిన బెన్ మార్టిన్స్ విజేతగా నిలిచాడు.
Keerthana Pandian makes India proud as she wins GOLD after defeating Albina Leschuk 3-1 in the Final at U16 women's IBSF #Snooker Championships , Saint Petersburg / Russia 2018 pic.twitter.com/QEMh0yj6cD
— Finishing touch (@tanmoy_sports) October 6, 2018
నాలుగో సీడ్గా బరిలోకి దిగిన కీర్తన.. స్ట్రెయిట్ ఫ్రేముల్లో మనస్విని శేఖర్, రష్యన్ యువతి అలీనా ఖైరులీనా 3-0తేడాతో ఓడించింది. ఈ క్రమంలో డిఫెండింగ్ ఛాంపియన్ భారత క్రీడాకారిణి అనుపమ రామచంద్రన్కు సమానమైంది.