శివలాల్ యాదవ్ తో కవిత భేటీ: హెచ్ సిఎపై కన్ను

హైదరాబాద్: హైదరాబాద్ క్రికెట్ అసోసియేషన్ (హెచ్ సిఎ)కు చెందిన శివలాల్ యాదవ్ తో తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు కూతురు, తెలంగాణ జాగృతి అధ్యక్షురాలు కల్వకుంట్ల కవిత భేటీ అయ్యారు. హెచ్ సిఎపై ఆమె కన్నేశారు. ఇందులో భాగంగానే ఆమె శివలాల్ యాదవ్ తో సమవేశమైనట్లు చెబుతున్నారు. హెచ్ సిఎకు ఎక్కువ మంది శివలాల్ యాదవ్ కు చెందినవారే విజయం సాధించారు.

ఉపాధ్యక్ష పదవులను రెండింటిని నామినెట్ చేయాల్సి ఉంది. ఈ నామినేటెడ్ పదవుల్లో ఒక్కదాన్ని తమకు ఇవ్వాలని కవిత శివలాల్ యాదన్ ను కోరినట్లు సమాచారం. ఈ పదవుల కోసం జి. వివేక్, వి. హనుమంతరావు వంటి కాంగ్రెసు నాయకులు కూడా పోటీ పడుతున్నట్లు సమాచారం. శివలాల్ కోటాలో పాగా వేయాలని కాంగ్రెసు నాయకులు చేసిన ప్రయత్నం ఫలించలేదు.