కుప్పకూలిన శ్రీలంక : స్కోర్ 229

కాన్పూర్: శ్రీశాంత్ ధాటికి భారత్ తో జరుగుతున్న రెండో టెస్టు మ్యాచు తొలి ఇన్నింగ్సులో 229 పరుగులకే కుప్పకూలింది. తొలి ఇన్నింగ్సులో భారత్ 642 పరుగులు భారీ స్కోరు చేసింది. దీంతో భారత్ తొలి ఇన్నింగ్సులో 413 పరుగుల ఆధిక్యత లభించింది. మంగళవారం 66 పరుగులు చేసి ఒక్క వికెట్ ను కోల్పోయిన శ్రీలంక గురువారం మిగతా వికెట్లను గురువారం కోల్పోయింది. శ్రీలంక వికెట్లు క్రమం తప్పకుండా పడుతూ వచ్చాయి. శ్రీశాంత్ ఐదు వికెట్లు తీసుకున్నాడు. అతన్ని ఎదుర్కోవడం శ్రీలంక బ్యాట్స్ మెన్ కు కష్టమే అయింది. స్పిన్నర్లు హర్భజన్, ప్రజ్ఞాన్ ఓజాలకు రెండేసి వికెట్లు లభించాయి. జహీర్ ఖాన్ బుధవారం దిల్షాన్ వికెట్ తీసుకున్నాడు. అతనికి గురువారం వికెట్లు లభించలేదు. కాగా, శ్రీలంక తన రెండో ఇన్నింగ్సును ప్రారంభించింది.

అంతకు ముందు చాలా రోజుల తర్వాత జట్టులోకి వచ్చిన భారత బౌలర్ శ్రీశాంత్ తన ధాటిని శ్రీలంక బ్యాట్స్ మెన్ కు చవి చూపించాడు. రెండో టెస్టు మ్యాచులో మూడో రోజు గురువారం లంచ్ విరామ సమయానికి శ్రీలంత తొలి ఇన్నింగ్సులో 5 వికెట్ల నష్టానికి 138 పరుగులు చేసింది. శ్రీశాంత్ మూడు ప్రధానమైన వికెట్లను పడగొట్టాడు. ఇంకా శ్రీలంక భారత్ కు 504 పరుగులు వెనకబడి ఉంది. శ్రీలంక వికెట్లు క్రమం తప్పకుండా పడుతూ వచ్చాయి. దీంతో భారత బౌలర్లకు శ్రీలంక బ్యాట్స్ మెన్ ఎదురీదుతున్నారు.

గురువారం తొలి వికెట్ ను హర్బజన్ అంజిలో మాథ్యూస్ రూపంలో శ్రీలంక తొలి వికెట్ ను పడగొట్టాడు. మాథ్యూస్ 13 పరుగులకు అవుటయ్యాడు. గురువారం శ్రీలంక వికెట్లు నాలుగు పడ్డాయి. జహీర్ ఖాన్ బుధవారంనాడు దిల్షాన్ వికెట్ తీశాడు. మిగతా మూడు వికెట్లు గురువారం శ్రీశాంత్ కు లభించాయి. కుమార సంగక్కర 44 పరుగుల వ్యక్తిగత స్కోరు వద్ద ధోనీకి క్యాచ్ ఇచ్చి శ్రీశాంత్ బౌలింగ్ లో వెనుదిరిగాడు. 38 పరుగులు చేసిన తరంగ పరణవితరణ కూడా శ్రీశాంత్ బౌలింగ్ లో అవుటయ్యాడు. తిలాన్ సమర వీర కూడా శ్రీశాంత్ బౌలింగ్ లో 2 పరుగు వ్యక్తిగత పరుగుల వద్ద అవుటయ్యాడు.