గందరగోళంలో భారత్-వెస్టిండీస్ మొదటి టెస్టు, ప్రమాదరకమన్న కోచ్

జమైకా: భారత్ - వెస్టిండీస్ మొదటి టెస్టు గందరగోళంలో పడింది. టెస్టు జరుగుతుందా లేదా అనే ఆందోళన ఇప్పుడు అభిమానులకు పట్టుకుంది. ఇందుకు కారణం సోమవారం టెస్టు జరగబోయే జమైకా పిచ్. జమైకా పిచ్ ఫాస్ట్ బౌలింగ్‌కు అనుకూలంగా వెస్టిండీస్ క్యురేటర్ తయారు చేశాడని భారత ఆటగాళ్లు, కోచ్ ఫ్లెచర్ ఆరోపిస్తున్నారు. ఇలాంటి పిచ్‌పై ఆడితే ప్రమాదం అని చెబుతున్నారు.

పిచ్‌పై ప్రమాదం ఉన్నందున తాము ఆడేది లేదని భారత క్రికెటర్లు ఆదివారం ప్రాక్టీస్ మ్యాచ్ నుండి తప్పుకున్నారు. ఈ పిచ్‌పై బంతి భయంకరంగా భౌన్స్ అవుతుందని ప్రాణాలకే ప్రమాదం అని ఫ్లెచర్ చెబుతున్నారు. ఈ విషయంపై వెస్టిండీస్ క్రికెట్ బోర్డుతో, క్యురేటర్‌తో ఫ్లెచర్ వాగ్వాదానికి కూడా దిగాడు. దీంతో మ్యాచ్ పై అనుమానపు నీడలు కమ్ముకున్నాయి.