డిస్కస్‌ త్రో: ప్రపంచ రికార్డు నెలకొల్పిన యోగేశ్‌ కథునియా

హైదరాబాద్: భారత పారా అథ్లెట్‌ యోగేష్‌ కథునియా డిస్కస్‌ త్రోలో ప్రపంచ రికార్డు నెలకొల్పాడు. బెర్లిన్ వేదికగా జరిగిన పారా-అథ్లెటిక్స్ గ్రాండ్ ప్రిలో పురుషుల డిస్కస్‌ ఎఫ్‌36లో యోగేష్‌ కథునియా డిస్క్‌ను 45.18 మీటర్ల దూరం విసిరి కొత్త ప్రపంచ రికార్డు సృష్టించాడు.

గతేడాది కుకింగ్‌ లి (చైనా, 42.96 మీ) నెలకొల్పిన రికార్డును యోగేష్‌ అధిగమించాడు. అతను మూడో ప్రయత్నంలో ఈ రికార్డు త్రో విసిరాడు. పావెల్‌ (35.63 మీ) రజతం గెలవగా... అలెగ్జాండర్‌ (19.24 మీ) కాంస్యం సాధించాడు.

బెర్లిన్‌లో జరిగిన ఈ పారా-అథ్లెటిక్స్ గ్రాండ్ ప్రి ఆదివారంతో ముగిసింది. ఇది తొమ్మిదవ పారా-అథ్లెటిక్స్ గ్రాండ్ ప్రి కావడం విశేషం.