హైదరాబాదీ స్పిన్నర్‌ ఓజాకు స్ధానం

ముంబాయి: వచ్చే నెల ఇంగ్లాండ్‌ లో జరగనున్న రెండో ట్వంటీ-20 ప్రపంచకప్‌ కు భారత్‌ జట్టును ప్రకటించారు. జట్టులో ఎలాంటి సంచనల నిర్ణయాలు తీసుకోలేదు.15 మంది సభ్యులతో కూడిన జట్టుకు మహేంద్రసింగ్‌ ధోనీ సారథ్యం వహించనున్నాడు. సెహ్వాగ్‌కు వైఎస్‌ కెప్టెన్సీ బాధ్యతలు అప్పజెప్పారు. హైదరాబాదీ స్పిన్నర్‌ ప్రజ్ఞాన్‌ ఓజా, యువ సంచలనం రవీంద్ర జడేజాను జట్టులో ఎంపిక చేశారు. గాయాలతో కొంత కాలం జట్టుకు దూరంగా ఉండి ఐపీఎల్‌లో జోరుగా రాణిస్తున్న ఆర్పీసింగ్‌కు చోటు కల్పించారు. 2007 ట్వంటీ 20 ప్రపంచకప్‌ లో భారత్‌ ధోనీ నాయకత్వంలో ప్రపంచ చాంపియన్‌గా నిలిచింది.

భారత జట్టు: ధోనీ (కెప్టెన్‌), సెహ్వాగ్‌ (వైస్‌ కెప్టెన్‌), సురేశ్‌ రైనా, గంభీర్‌, యువరాజ్‌, ఇషాంత్‌ శర్మ, హర్భజన్‌ సింగ్‌, రోహిత్‌ శర్మ, ఆర్పీసింగ్‌, రవీంద్రజడేజా, ప్రజ్ఞాన్‌ ఓజా, యూసుఫ్‌ పఠాన్‌, ఇర్ఫాన్‌ పఠాన్‌, జహీర్‌ ఖాన్‌, ప్రవీణ్‌ కుమార్‌.