తెలుగు తేజం హారిక ఘనవిజయం

టర్కీ: తెలుగుతేజం ద్రోణవల్లి హారిక ప్రపంచ జూనియర్ బాలికల చెస్ ఛాంపియన్ షిప్ ను కైవసం చేసుకుంది. అజర్ బైజాన్ కు చెందిన నార్మిన్ కజిమోవాను ఓడించి ఆమె ఈ విజయం సాధించింది. హారిక ఈ టైటిల్ ను గెలుచుకున్న రెండో భారతీయ క్రీడాకారిణి. ఇంతకు ముందు 2001లో కోనేరు హంపి ఈ టైటిల్ ను గెలుచుకుంది. కోనేరు హంపి కూడా ఆంధ్రప్రదేశ్ కు చెందిన క్రీడాకారిణే కావడం విశేషం.

హారిక 2006లో అండర్ 18 బాలికల ప్రపంచ టైటిల్ ను గెలుచుకుంది. నిరుడు దురదృష్టవశాత్తు ఈ టైటిల్ ఆమెకు దక్కలేదు. చివరి మూడు రౌండ్లలో ఆమె వెనకబడిపోయింది. నార్మిన్ పై తుది రౌండ్ లో హారిక చాలా కష్టపడాల్సి వచ్చింది.