కప్పు గెలిచిన ధోనీ సేనకు కర్ణాటక, ఢిల్లీ ప్రభుత్వాల భారీ నజరానా

న్యూఢిల్లీ\బెంగుళూరు: 28 ఏళ్ల సుదీర్ఘ విరామం అనంతరం ప్రపంచ కప్పును భారత్‌కు అందించిన భారత క్రికెట్ జట్టు ధోనీ సేనకు కర్ణాటక, న్యూఢిల్లీ ప్రభుత్వాలు భారీ నజరానాలు ప్రకటించాయి. జట్టులోని సభ్యులందరికీ కర్ణాటక ముఖ్యమంత్రి యెడ్యూరప్ప బెంగుళూరు సిటీలో 50X80 గజాల భూమిని కేటాయిస్తున్నట్టు చెప్పారు. ఇక గుజరాత్ ప్రభుత్వం మునాఫ్ పటేల్, యూసుఫ్ పఠాన్‌లకు ఏకలవ్య పురస్కారాన్ని ప్రకటించింది.

ఇక ఢిల్లీ ప్రభుత్వం కూడా భారత జట్టులోని కొందరికి భారీ నజరానాలు ప్రకటించింది. ఢిల్లీ ప్రభుత్వం ధోనీతో పాటు ఢిల్లీ ఆటగాళ్లకు నగదు ప్రోత్సహకాలు ప్రకటించింది. టీమిండియాను జగజ్జేతగా నిలిచిన కెప్టెన్ ధోనీకి రూ. 2 కోట్లు బహుమానంగా ఇవ్వనుండగా, వీరేంద్ర సెహ్వాగ్, విరాట్ కొహ్లి, గౌతమ్ గంభీర్, ఆశిష్ నెహ్రాలకు రూ. కోటి చొప్పున ప్రోత్సహకాలను షీలా దీక్షిత్ సర్కారు ప్రకటించింది.