CWG 2026: హింసను భరించింది.. ఇల్లు అమ్ముకుంది.. ఇప్పుడు కామన్వెల్త్‌లో పసిడి నెగ్గిన వీరనారి!

CWG 2026: హర్యానాకు చెందిన పారా అథ్లెట్ షర్మిలా ధన్‌ఖర్ 2026 కామెన్వెల్త్ గేమ్స్‌లో చరిత్ర సృష్టించింది. భారత్ 20 ఏళ్లుగా ఎదురుచూస్తున్న విజయాన్ని ఆమె అందించింది. 20 ఏళ్ల కఠోర శ్రమ తర్వాత షర్మిలా ధన్‌ఖర్ మహిళల షాట్‌పుట్ F57 ఈవెంట్‌లో ఈ సీజన్‌లోనే అత్యుత్తమమైన 9.81 మీటర్ల త్రోతో స్వర్ణ పతకాన్ని గెలుచుకుంది. దీనితో కామన్వెల్త్ గేమ్స్‌లో పారా-అథ్లెటిక్స్‌లో స్వర్ణం గెలిచిన తొలి భారతీయ అథ్లెట్‌గా ఆమె నిలిచారు. కానీ షర్మిలా స్టోరీ కేవలం ఒక స్వర్ణ పతకానికి సంబంధించినది మాత్రమే కాకుండా స్ఫూర్తిదాయకంగా నిలుస్తోంది. పేదరికం, పోలియో, గృహ హింస, ఆర్థిక ఇబ్బందులు వంటి అనేక సవాళ్లతో పోరాడి షర్మిలా ధన్‌ఖర్ ఈ స్థానాన్ని సాధించారు. క్రీడ ఆమె జీవితాన్ని మార్చివేయడంతో పాటు ఆమె లక్షలాది మందికి స్ఫూర్తిగా నిలిచారు. ఈ స్వర్ణం వెనుక ఉన్న కథ షర్మిలా ధన్‌ఖర్ గురించి తెలుసుకుందాం.

బీసీసీఐ ఆఫర్‌ను తిరస్కరించిన గంభీర్ అసిస్టెంట్!

షర్మిలా ధన్‌ఖర్ ఎవరు?
షర్మిలా ధన్‌ఖర్ హర్యానాలోని మహేంద్రగఢ్ జిల్లా నివాసి. ఆమెకు రెండు సంవత్సరాల వయస్సులోనే పోలియో సోకింది. దానివల్ల షర్మిలా ధన్‌ఖర్ ఒక కాలు దెబ్బతింది. ఆమె మహిళల షాట్‌పుట్, డిస్కస్ త్రో క్రీడలలో పారా అథ్లెట్. F57 కేటగిరీ అనేది దిగువ అవయవాల బలహీనత, లోపం లేదా కదలిక సమస్యలు ఉన్న అథ్లెట్ల కోసం ఉద్దేశించబడింది. షర్మిలా ధన్‌ఖర్ 34 ఏళ్ల వయసులో ఆడటం మొదలుపెట్టింది. 2021లో ఆమె పారా నేషనల్ ఛాంపియన్‌షిప్‌లో జాతీయ రికార్డుతో స్వర్ణం గెలుచుకుంది. ఆమె 2022 బర్మింగ్‌హామ్ కామన్వెల్త్ గేమ్స్, 2023 ఆసియా పారా గేమ్స్‌లో నాలుగో స్థానంలో నిలిచింది. అదే సంవత్సరం దుబాయ్‌లో జరిగిన ఫజ్జా అంతర్జాతీయ పారా అథ్లెటిక్స్ ఛాంపియన్‌షిప్‌లో ఆమె షాట్‌పుట్‌లో స్వర్ణం, డిస్కస్‌లో కాంస్యం గెలుచుకుంది.

పేదరికం, గృహ హింసతో నిండిన జీవితం
షర్మిల తన బాల్యాన్ని తీవ్రమైన పేదరికంలో గడిపింది. ఆమె తల్లి అంధురాలు, అతని తండ్రి రైతు. ఆమె 19 ఏళ్ల వయసులో పెళ్లి చేసుకుంది. కానీ తన మొదటి పెళ్లిలో చాలా సంవత్సరాలు గృహ హింసను ఎదుర్కోవలసి వచ్చింది. చివరకు ఆమె తన ఇద్దరు కుమార్తెలతో కలిసి తల్లిదండ్రుల ఇంటికి తిరిగి వచ్చి కొత్త జీవితాన్ని ప్రారంభించింది.

Also Read

IND vs SL: 33 ఏళ్ల వయసులో భారత జట్టులో చోటు.. ఎవరీ సారాన్ష్ జైన్?

అండగా నిలిచిన రెండో భర్త
రెండో వివాహం తర్వాత ఆమె భర్త అజిత్ సింగ్ ఆమెను పారా క్రీడలు చేపట్టమని ప్రోత్సహించారు. ఆమె కోచ్‌లు టెక్ చంద్, దేవేంద్రల పర్యవేక్షణలో శిక్షణ పొందింది.ఆర్థిక ఇబ్బందుల కారణంగా, ఆట కొనసాగించడం కోసం 2023లో ఆ కుటుంబం రేవారిలోని తమ ఇంటిని అమ్ముకుని అద్దె ఇంట్లో నివసించాల్సి వచ్చింది. ఇప్పుడు మళ్ళీ సొంత ఇల్లు కొనుక్కోవాలన్నది ఆమె కల. షర్మిల ఇద్దరు కుమార్తెలు కూడా క్రీడలలో పాల్గొంటున్నారు.
పెద్ద కుమార్తె అంజు 16 ఏళ్లలోపు జావెలిన్ త్రో క్రీడాకారిణి కాగా.. చిన్న కుమార్తె లక్ష్మి 14 ఏళ్లలోపు హైజంప్‌లో పాల్గొంటుంది. షర్మిల తన కూతుళ్లు తనకు దక్కని జీవితాన్ని గడపాలని కోరుకుంటుంది. క్రీడలు పిల్లల భవిష్యత్తును మార్చగలవని ఆమె నమ్ముతుంది.