CWG 2026: వరుసగా మూడో స్వర్ణం: చరిత్ర సృష్టించిన మీరాబాయి చాను!

CWG 2026: గ్లాస్గో వేదికగా జరుగుతున్న కామన్వెల్త్ గేమ్స్‌ 2026లో భారత్‌కు స్టార్ వెయిట్‌లిఫ్టర్ మీరాబాయి చాను తొలి స్వర్ణాన్ని అందించింది. భారత దిగ్గజ వెయిట్‌లిఫ్టర్ మీరాబాయి చాను మహిళల 48 కేజీల విభాగంలో స్వర్ణ పతకం సాధించి భారత కీర్తి పతాకాన్ని ఎగరేశారు. కామన్వెల్త్ క్రీడలలో మీరాబాయి చానుకు ఇది వరుసగా మూడో స్వర్ణ పతకం కావడం విశేషం. దీనితో మీరాబాయి చాను అద్భుతమైన కెరీర్‌లో మరో చారిత్రాత్మక మైలురాయి చేరింది.

IND vs ZIM: జింబాబ్వే క్లీన్ స్వీప్.. శ్రేయస్ అయ్యర్ కెప్టెన్సీలో తొలి ట్రోఫీ కైవసం!

స్నాచ్‌లో కామన్వెల్త్ గేమ్స్ రికార్డు రెండుసార్లు బ్రేక్
పోటీ ప్రారంభం నుంచే మీరాబాయి తన పోటీదారుల కంటే చాలా ముందుంది. స్నాచ్ రౌండ్‌లో అత్యధికంగా 82 కిలోల బరువును ఎంచుకుని మీరాబాయి చాను అద్భుతంగా రంగప్రవేశం చేసింది. ఆ తర్వాత మీరాబాయి అదే మ్యాచ్‌లో వరుసగా రెండు రికార్డులను బద్దలు కొట్టింది. తన రెండో ప్రయత్నంలో 82 కిలోలు ఎత్తి కొత్త కామన్వెల్త్ రికార్డును నెలకొల్పగా.. మూడో ప్రయత్నంలో ఏకంగా 85 కిలోలు ఎత్తి తన సొంత రికార్డునే మళ్లీ బద్దలు కొట్టింది.

క్లీన్ అండ్ జర్క్‌లో స్వర్ణం కైవసం
క్లీన్ అండ్ జర్క్ రౌండ్‌లో మీరాబాయి 105 కిలోగ్రాముల భారీ బరువుతో ప్రారంభించింది. ఆమె తన మొదటి ప్రయత్నంలో విఫలమైనప్పటికీ.. ఒత్తిడిలో రాణించడం ఎల్లప్పుడూ ఆమె బలం. తన రెండో ప్రయత్నంలో ఆమె 105 కిలోగ్రాములను విజయవంతంగా ఎత్తి, భారతదేశానికి స్వర్ణ పతకాన్ని ఖాయం చేసింది. స్నాచ్, క్లీన్ అండ్ జర్క్ రెండింటిలోనూ మొత్తం 190 కిలోల (85 + 105) బరువును ఎత్తి, కామన్వెల్త్ గేమ్స్‌లో మొత్తం బరువు విభాగంలో కొత్త చారిత్రక రికార్డు సృష్టించి మీరాబాయి చాను స్వర్ణ పతకాన్ని గెలుచుకున్నారు. ఈ పోటీలో నైజీరియాకు చెందిన రూత్ అజుకువో న్యోంగ్ 168 కేజీల బరువును ఎత్తి రజత పతకాన్ని గెలుచుకోగా, మలేషియాకు చెందిన ఐరీన్ జేన్ హెన్రీ 167 కేజీల బరువును ఎత్తి కాంస్య పతకాన్ని గెలుచుకున్నారు.

IND vs ZIM: తొలి బంతికే వికెట్.. టీ20ల్లో ఆల్‌టైమ్ రికార్డు సమం!

భారత్ ఖాతాలో మూడో పతకం
మీరాబాయి చాను విజయంతో 2026 కామన్వెల్త్ గేమ్స్‌లో భారత్ తన మూడో పతకాన్ని గెలుచుకుంది. అంతకుముందు వెయిట్‌లిఫ్టింగ్‌లో భారత్ రజత పతకాన్ని గెలుచుకుంది. ఆ పతకాన్ని రిషికాంత్ సింగ్ భారత్‌కు అందించారు. 2026 కామన్వెల్త్ గేమ్స్‌లో పారా-వెయిట్‌లిఫ్టింగ్‌లో ఝండు కుమార్ భారత్‌కు తొలి పతకాన్ని అందించారు. ఈ ఏడాది భారత్‌కు ఇదే తొలి స్వర్ణ పతకం. ఈ ఘనతను సాధించడానికి ఆమె ఎంతో కృషి చేసింది. స్వర్ణ పతకం గెలిచిన తర్వాత ఆమె చాలా భావోద్వేగానికి గురైంది.

మొదట్లో కొన్ని ఎదురుదెబ్బలు తగిలినా, తన అనుభవం, కృషితో పుంజుకున్న మీరాబాయి చాను, కామన్వెల్త్ వెయిట్‌లిఫ్టింగ్‌కు తానే అసలైన రాణి అని మరోసారి ప్రపంచానికి నిరూపించుకున్నారు. వరుసగా మూడో స్వర్ణ పతకం సాధించి భారతదేశానికి గర్వకారణంగా నిలిచిన ఆమెకు అభినందనలు వెల్లువెత్తుతున్నాయి.