చాముండిపై జీవితం కాలం వేటు

విజయవాడ: ఆంధ్రా క్రికెట్ అసోసియేషన్ (ఎసిఎ) నుంచి చాముండేశ్వరీనాథ్ ను బహిష్కరించారు. ఎసిఎ ప్రత్యేక సర్వసభ్య సమావేశంలో గురువారం ఈ మేరకు నిర్ణయం తీసుకున్నారు. నిధుల దుర్వినియోగం, బైలా టాంపరింగ్, మహిళా క్రికెటర్లను లైంగిక వేధింపులు ఆరోపణలు ఎదుర్కుంటున్న చాముండిపై ఆ ఆరోపణలు రుజువు అయ్యాయి. వాటిపై వివరణ ఇవ్వాలని మాజీ కార్యదర్శి చాముండేశ్వరీనాథ్ కు ఎసిఎ నోటీసు ఇచ్చింది.

మొదట్లో చాముండీశ్వరినాథ్ ఇచ్చిన సమాధానంతో ఎసిఎ సంతృప్తి చెందలేదు. దాంతో మరో అవకాశం ఇవ్వాలని చాముండి కోరారు. ఆ మేరకు ఏడు రోజుల గడువు పొందారు. అయితే ఆ తర్వాత ఈ నెల 16వ తేదీన జరిగిన సమావేశంనాటికి కూడా చాముండి వివరణ ఇవ్వలేకపోయారు. దీంతో చాముండీపై ఎసిఎ గురువారం జీవితం కాలం వేటు వేసింది.