భారత బౌలర్ల ధాటికి బంగ్లాదేశ్ 233 ఆలౌట్

ఢాకా: భారత బౌలర్లు బాగా రాణించడంతో బంగ్లాదేశ్‌ తొలి ఇన్నింగ్స్‌లో 233 పరుగులకే ఆలౌట్‌ అయింది. టాస్‌ గెలిచి బ్యాటింగ్‌ ప్రారంభించిన బంగ్లాదేశ్‌పై భారత్‌ పేసర్లు ఆది నుంచి ఆధిపత్యాన్ని ప్రదర్శించారు. మహ్మదుల్లా(96 నాటౌట్‌) ఒంటరి పోరాటానికి తోడు అష్రాఫుల్‌(39) అల్‌ హసన్‌(34), రహీమ్‌(30) ఇన్నింగ్స్‌ తోడవడంతో బంగ్లా ఆమాత్రమైన స్కోరు చేయగలిగింది.

బంగ్లా ఓపెనర్లు తమీమ్‌ ఇక్బాల్‌, కైస్‌ డకౌట్‌గా వెనుదిరిగారు. భారత బౌలర్లలో జహీర్‌కు 3 వికెట్లు లభించగా, ఇషాంత్‌ 4 వికెట్లు పడగొట్టి ఆకట్టుకున్నాడు. ఓజాకు 2 వికెట్లు లభించగా భజ్జీకి కేవలం ఒక్క వికెట్‌తో సంతృప్తి చెందాల్సి వచ్చింది.