రెజ్లింగ్‌ ర్యాంకింగ్స్‌.. బజరంగ్‌ పూనియా 1

రెజ్లింగ్‌ ర్యాంకింగ్స్‌లో భారత స్టార్ రెజ్లర్ బజ్‌రంగ్ పూనియా తిరిగి తన నంబర్‌వన్ ర్యాంక్‌ను నిలబెట్టుకున్నాడు. బుధవారం 'యునైటెడ్ వరల్డ్ రెజ్లింగ్' ర్యాంకింగ్స్‌ను విడుదల చేయగా.. బజరంగ్‌ టాప్ ర్యాంక్‌లో నిలిచాడు. పురుషుల ఫ్రీస్టయిల్‌ 61 కేజీల విభాగంలో బజరంగ్‌ 58 పాయింట్లతో అగ్రస్థానంలో కొనసాగుతున్నాడు. గత సంవత్సరం నవంబర్ నెలలో బజ్‌రంగ్ మొదటిసారిగా నంబర్‌వన్ ర్యాంక్‌ అందుకున్నాడు.

గతేడాది జరిగిన ఆసియా, కామన్వెల్త్ గేమ్స్‌లో బజరంగ్‌ స్వర్ణం పతకాలు సాధించాడు. ఇక ప్రపంచ చాంపియన్‌షిప్‌లో రజతంతో సత్తా చాటాడు. ఈ అత్యుత్తమ ప్రదర్శనతో బజరంగ్‌ నంబర్‌వన్ ర్యాంక్‌ను నిలబెట్టుకున్నాడు. చైనా వేదికగా ఏప్రిల్ 23న ప్రారంభమయ్యే ఆసియా రెజ్లింగ్ చాంపియన్‌షిప్ పోటీలకు సన్నద్ధమవుతున్నాడు.