ఓపెన్ టాప్ జీబులో: డప్పులు వాయిస్తూ హిమదాస్‌కి ఘన స్వాగతం

హిమదాస్‌ను అభిమానందించిన అభిమానులు

హిమ తల్లిదండ్రులు, వేలాదిగా అభిమానులు కూడా అక్కడి చేరుకుని స్ప్రింటర్‌ని అభినందించారు. ఎయిర్‌పోర్టులో తమ అభిమాన అథ్లెట్‌కు ఎర్ర తివాచీ వేసి దానిపై స్టార్ట్‌ 1,2,3,4,5,6 అన్న సంఖ్యలతో ట్రాక్‌ను రూపొందించారు. ఈ ట్రాక్‌ రీతిలో ఏర్పాటు చేసిన ప్రత్యేక రెడ్‌ కార్పెట్‌పై నడుస్తూ హిమ బయటకు వచ్చింది.

హిమదాస్ ఊరేగింపు

మరోవైపు తన తల్లిదండ్రులు రంజీత్, జోనాలీదాస్ వెంట రాగా కారులో 25 మంది ప్రత్యేక మహిళా భద్రతా సిబ్బంది మధ్య హిమదాస్ ఊరేగింపు జరిగింది. హిమదాస్ స్వస్థలం ధింగ్‌ నుంచి వచ్చిన ప్రజలు పెద్ద ఎత్తును అరుస్తూ డ్రమ్ములు వాయిస్తూ సంప్రదాయ నృత్రాలు చేశారు.

శ్రీమంత శంకరదేవ్‌ కళాక్షేత్రంలో సన్మానం

అనంతరం హిమదాస్‌‌ను శ్రీమంత శంకరదేవ్‌ కళాక్షేత్రంలో రాష్ట్ర ప్రభుత్వం ఘనంగా సన్మానించింది. ఆసియా గేమ్స్‌లో 400 మీటర్ల మహిళల ఈవెంట్‌లో పోటీపడిన హిమదాస్ ఫైనల్లో 50.79 సెకన్లతో రేసుని ముగించి రజత పతకాన్ని గెలుపొందింది. నేషనల్ రికార్డు టైమ్ 50.79 సెకన్లలో రేసు పూర్తి చేసిన ఆమె.. రెండోస్థానంలో నిలిచింది.

తొలి ఇండియన్‌ అథ్లెట్‌గా హిమ దాస్ రికార్డు

51 సెకన్లలోపు 400 మీటర్ల రేసు పూర్తి చేసిన తొలి ఇండియన్‌ అథ్లెట్‌గా హిమ దాస్ రికార్డు సృష్టించింది. ఆ తర్వాత మిక్సెడ్‌ 4x400 మీటర్ల రిలేలోనూ ఈ స్ప్రింటర్ పోటీపడగా.. టీమ్ రజతం గెలుపొందింది. చివర్లో మహిళల 4x400 మీటర్ల రిలేలోనూ హిమ దాస్ భాగస్వామిగా ఉన్న టీమ్ బంగారు పతకాన్ని గెలుపొందింది. ఇలా భారత్‌కి మూడు పతకాలు అందించడంలో హిమ దాస్‌ కీలకంగా వ్యవహరించింది.