న్యూఢిల్లీ: ఇటీవలే ముగిసిన ఆసియా క్రీడల్లో పతకాలు సాధించిన క్రీడాకారులను కేంద్ర ప్రభుత్వం మంగళవారం నగదు ప్రోత్సాహకాలతో ఘనంగా సన్మానించింది. వ్యక్తిగత విభాగాల్లో స్వర్ణం సాధించిన ప్లేయర్లకు ఒక్కొక్కరికి రూ. 30 లక్షలు, రజతానికి రూ. 20 లక్షలు, కాంస్యానికి రూ. 10 లక్షల నగదు పురస్కారాన్ని అందజేసింది.
గత ఆదివారంతో ముగిసిన ఆసియా గేమ్స్లో భారత క్రీడా బృందం రికార్డు స్థాయిలో 69 పతకాలు సాధించింది. అందులో 15 స్వర్ణాలు, 24 రజతాలు, 30 కాంస్యాలు ఉన్నాయి. అట్టహాసంగా జరిగిన ఈ సన్మాన కార్యక్రమానికి ముఖ్య అతిథిగా హాజరైన కేంద్ర హోంమంత్రి రాజ్నాథ్సింగ్ మాట్లాడుతూ క్రీడారంగ అభివృద్ధికి రాథోడ్ చేస్తున్న కృషిని ఆయన ప్రశంసించారు.
Heartfelt thanks to @dr_maheshsharma ji @KirenRijiju ji @MangteC , Prof VK Malhotra ji and @BrijBhushanMP ji for boosting the spirits of our #ASIANGAMES2018 stars who made the 🇮🇳 fly high in #AsianGames2018 pic.twitter.com/6uUmRHBwnN
— Rajyavardhan Rathore (@Ra_THORe) September 4, 2018
ప్రపంచంలో అతిపెద్ద క్రీడాశక్తిగా ఎదగడానికి భారత్ మరెంతో దూరంలో లేదని ఆయన అన్నారు. "మన అథ్లెట్ల ప్రదర్శన చూసి మంత్రముగ్దుడినయ్యా. అతి తక్కువ సమయంలోనే భారత్ ఆర్థిక శక్తిగానే కాకుండా క్రీడాశక్తిగా కూడా ఎదుగుతుందనే నమ్మకం నాకుంది. పతకాలు సాధించిన విజేతలందరికీ అభినందనలు" అని రాజ్నాథ్ అన్నారు.
I extend my gratitude to @rajnathsingh ji @PiyushGoyal ji @ChBirenderSingh ji and @jualoram ji for encouraging our athletes who have made the country immensely proud with their hard work, talent & grit in the #ASIANGAMES2018 pic.twitter.com/PlnJzmNIxl
— Rajyavardhan Rathore (@Ra_THORe) September 4, 2018
ఈ కార్యక్రమంలో క్రీడాశాఖ మంత్రి రాజ్యవర్ధన్సింగ్ రాథోడ్సహా కేంద్ర మంత్రులు కిరణ్ రిజుజు, మహేష్ శర్మ, క్రీడాశాఖ కార్యదర్శి రాహుల్ భట్నాగర్, ఐఓఏ అధ్యక్షుడు నరీందర్ బాత్రా, శాయ్ డీజీ నీలమ్ కౌర్ పాల్గొన్నారు.
At the felicitation ceremony of our #ASIANGAMES2018 Stars! Such an honour to be with these Champions who made India's best ever haul at #AsianGames possible with their hard work, talent & grit!
— Rajyavardhan Rathore (@Ra_THORe) September 4, 2018
A salute to Indian sports and our incredible sportsmen! #KheloIndia pic.twitter.com/OFxohJEtVB