Chandrababu: హాకీ జట్టును అభినందించిన సీఎం చంద్రబాబు..

పారిస్‌ ఒలింపిక్స్‌ 2024లో భారత హాకీ జట్టు కాంస్యం పతకం సాధించింది. గురువారం పారిస్ ఒలింపిక్స్‌లో స్పెయిన్‌ను 2-1 తేడాతో ఓడించి కాంస్య పతకాన్ని కైవసం చేసుకున్నసంగతి తెలిసిందే. దీంతో హాకీ జట్టును ప్రముఖులు అభినందిస్తున్నారు. ఒలింపిక్స్ లో
అద్భుత విజయం సాధించినందుకు చాలా ఆనందంగా ఉందని ఏపీ సీఎం నారా చంద్రబాబులో ఎక్స్ లో ట్వీట్ చేశారు. ఒలింపిక్స్‌లో వరుసగా రెండోసారి కాంస్య పతకం సాధించిన జట్టు సభ్యులకు అభినందనలు తెలిపారు.

దేశానికి ఇదో సువర్ణ ఘట్టమని అభివర్ణించారు. "పారిస్‌లో భారత హాకీ జట్టు సాధించిన అద్భుతమైన విజయాన్ని చూసి చాలా సంతోషిస్తున్నాను! వరుసగా రెండో ఒలింపిక్ కాంస్య పతకాన్ని సాధించిన పురుషుల హాకీ జట్టుకు పలువురు అభినందనలు. మన దేశానికి బంగారు క్షణం!" అని అన్నారు. ఒలింపిక్స్ లో పతకాన్ని సాధించిన భారత హాకీ జట్టు నిలబెట్టిందని ఏపీ ఉపముఖ్యమంత్రి పవన్‌ కల్యాణ్‌ కూడా అభినందించారు. ప్రతి ఒక్కరికీ ఈ విజయం ఆనందం ఇచ్చిందన్నారు.

భారత పురుషుల హాకీ జట్టును ప్రధాని నరేంద్ర మోదీ అభినందిస్తూ, గ్రూప్ విజయాన్ని 'నైపుణ్యం, పట్టుదల మరియు జట్టు స్ఫూర్తి విజయం' అని పేర్కొన్నారు. "రాబోయే తరాలకు ఆదరణ పొందే ఘనత! ఒలింపిక్స్‌లో భారత హాకీ జట్టు కాంస్య పతకాన్ని అందించి మెరిసింది! ఇది మరింత ప్రత్యేకం ఎందుకంటే ఇది ఒలింపిక్స్‌లో వారికి వరుసగా రెండో పతకం. ప్రతి భారతీయుడు హాకీతో భావోద్వేగ సంబంధాన్ని కలిగి ఉంటాడు" అని ట్వీట్ చేశాడు.

కేంద్ర హోంమంత్రి అమిత్ షా కూడా జట్టు 'అద్భుతమైన పటిమను ప్రదర్శించినందుకు' ప్రశంసించారు. కాంగ్రెస్ నాయకుడు, లోక్‌సభలో ప్రతిపక్ష నాయకుడు రాహుల్ గాంధీ కూడా హాకీ జట్టును అభినందించారు. " మీరు సాధించిన కాంస్య పతకం చూసి గర్వపడుతున్నాను" అని ఎక్స్‌లో రాశారు. తన చివరి అంతర్జాతీయ మ్యాచ్‌ ఆడిన గోల్‌కీపర్‌ పీఆర్‌ శ్రీజేష్‌కి కూడా గాంధీ 'కృతజ్ఞతలు' తెలిపారు.