అక్మల్ బ్రదర్స్, రియాజ్‌లకు ఫిక్సింగ్‌తో సంబంధం: బుకీ

లండన్: ముగ్గురు పాకిస్తాన్ క్రికెటర్లు, సల్మాన్ బట్, మహమ్మద్ ఆమిర్, మహమ్మద్ ఆసిఫ్‌లపై వచ్చిన స్పాట్ ఫిక్సింగ్ ఆరోపణలను సౌత్‌వార్క్ క్రౌన్ కోర్టు విచారిస్తున్న సంగతి తెలిసిందే. రోజు రోజుకి ఈ విషయంలో కొత్త విషయాలు వెలుగులోకి వస్తున్నాయి. పాకిస్దాన్ ప్లేయర్స్‌కు చెందిన ఏజెంట్ మజర్ మాజిద్ అండర్ కవర్‌లో ఉన్న ఓ రిపోర్టర్‌తో తన కంట్రోల్‌లో ఇంకా పాకిస్దాన్‌కి చెందిన ఆరుగురు ప్లేయర్స్ ఉన్నట్లు తెలిపాడు. ప్రస్తుతం మగ్గురుపై కొర్టులో ఫిక్సింగ్ ఆరోపణలను విచారిస్తుండగా విచారించిన ఆ మరో ముగ్గురు ఎవరెవరెంటే పాకిస్దాన్ వికెట్ కీపర్ కమ్రాన్ అక్మల్, అతని తమ్ముడు బ్యాట్స్ మెన్ ఉమర్ అక్మల్‌తో పాటు మరో ఫాస్ట్ బౌలర్ వాహాబ్ రియాజ్ ఉన్నట్లు తెలిపాడు.

2010 ఆగస్టులో ఇంగ్లాండ్‌తో జరిగిన నాలుగో టెస్టులో సల్మాన్ భట్ ఆడినటువంటి మెయిడిన్ ఓవర్‌పై కూడా విచారణ జరుగుతుంది. దీనికి సంబంధించిన మరిన్ని విషయాలను ప్రజలకు తెలయజేసేందుకు న్యూస్ ఆఫ్ ద వరల్డ్ అనే న్యూస్ పేపర్ జర్నలిస్ట్‌లు తీవ్రప్రయత్నాలు చేస్తున్నారు. ఈ జర్నలిస్ట్ చెప్పిన దాని ప్రకారం యుఎఈలో ఓ ఇండియన్ బిజినెస్ మ్యాన్ ఏజెంట్ మజర్ మాజిద్ కలసి ఈ టోర్నమెంట్‌పై చర్చించినట్లు తెలిపారు. వీరిద్దరి చివరి సంభాషణలో ఫిక్సింగ్ గురించి మాట్లాడుకున్నట్లు తెలిసింది.

అంతేకాకుండా కనీసం పాకిస్దాన్‌కి చెందిన ముగ్గురు ప్లేయర్లు ఈ ఫిక్సింగ్‌లో పాల్గోనాల్సిందిగా ఏజెంట్ మజర్ మాజిద్‌కి సూచన ఇచ్చినట్లు తెలిపాడు. దీనికి బదులుగా ఏజెంట్ మజర్ మాజిద్ బాస్ ఇప్పటికే నేను ఈ ఫిక్సింగ్‌లో ఆరుగురుని పాల్గోనాల్సిందిగా కొరడం జరిగిందని చెప్పాడు. ఓ ప్రముఖ వెబ్ సైట్లో అందించిన సమాచారం ప్రకారం ఏజెంట్ మజర్ మాజిద్ బ్యాట్స్ మెన్ ఇమ్రాన్ ఫర్హాత్ పేరుని కూడా సూచించడం జరిగింది. ఆ తర్వాత మరలా ఇమ్రాన్ ఫర్హాత్ పూర్తి ఫిక్సింగ్‌లో లేడని కూడా వెల్లడించడం జరిగింది.

ఇలాంటి ఫిక్సింగ్ ఆరోపణలకు గాను ఈ సంవత్సరం ఫిబ్రవరిలో అంతర్జాతీయ క్రికెట్ కౌన్సిల్ సల్మాన్ భట్‌కి పది సంవత్సరాలు, మహమ్మద్ ఆసిఫ్‌కి ఏడు సంవత్సరాలు, మహమ్మద్ ఆమీర్‌కి ఐదు సంవత్సరాలు నిషేధం విధించడం జరిగింది. తాము నిర్దోషులమనీ, తమను అనవసరంగా ఈ కేసులో ఇరికించారని లాసనెనలోని క్రీడా వివాదాల కోర్టుకు పాక్ క్రికెటర్లు అప్పీల్ చేసుకొవడం జరిగింది.