అజర్ తో లింక్: చేతన్ తో విడాకులకు జ్వాలా దరఖాస్తు?

న్యూఢిల్లీ: షటిల్ ప్లేయర్ జ్వాలా గుత్తా తన భర్త చేతన్ ఆనంద్ తో విడాకులు కోరుతూ దరఖాస్తు చేసుకోవడానికి సిద్ధపడినట్లు సమాచారం. భారత క్రికెట్ జట్టు మాజీ కెప్టెన్, కాంగ్రెసు పార్లమెంటు సభ్యుడు మొహ్మద్ అజరుద్దీన్ తో జ్వాలా చెట్టపట్టాల్ వేసుకుని తిరుగుతున్నట్లు ఇటీవల వార్తలు వచ్చిన విషయం తెలిసిందే. తాను విడాకులకు దరఖాస్తు చేసుకుంటున్నట్లు 26 ఏళ్ల జ్వాలా చెప్పింది. తాను విడాకులకు దరఖాస్తు చేసుకోవడంతో అజరుద్దీన్ తో లింక్ ఉన్నట్లు వస్తున్న వార్తలతో సంబంధం లేదని ఆమె అంటోంది.

ఇది తన జీవితంలో అత్యంత క్లిష్టమైన దశ అని, తాను తీవ్రమైన నిరాశలో మునిగి ఉన్నానని, తన వ్యక్తిగత జీవితానికి సంబంధించిన ప్రశ్నలకు తాను ఇప్పుడు ఏ విధమైన సమాధానాలు చెప్పలేనని ఆమె అంటోంది. తాను దేన్నీ దాచలేదని, అయితే తాను విడాకులు కోరుతుండడానికి కారణాలను త్వరలోనే చెప్తానని, తాను ఇప్పుడు ఏకాంతంగా ఉండాలని కోరుకుంటున్నానని ఆమె అంటోంది.