ఒలిపింక్స్ లో భారత్ బోణి

బీజింగ్‌ : ఒలింపిక్ క్రీడల్లో భారత్ బోణీ చేసింది. సోమవారం జరిగిన ఎయిర్ రైఫిల్ పోటీల్లో భారత్‌ స్వర్ణ పతకాన్ని కైవసం చేసుకుంది. ఢిల్లీ కి చెందిన అభినవ్ బ్రిందా (23 సంవత్సరాలు)పురుషుల వ్యక్తిగత 10 మీటర్ల ఎయిర్ రైఫిల్ విభాగంలో బంగారు పతకాన్ని కైవసం చేసుకున్నాడు. రెండు సార్లు ఒలింపిక్ పోటీల్లో పాల్గొన్న ఈ ఢిల్లీ యువకుడు 700.5 పాయింట్లతో ఈ ఘనతను సాధించాడు.

ఈ విభాగంలో మొత్తం వంద దేశాలకు చెందిన 122 మంది షూటర్లు పాల్గొనగా, వారిలో అభినవ్ బ్రిందా ఈ ఫీట్ సాధించిన త్రివర్ణ పతాకం ఘనతను సాటాడు. క్వాలిఫైయింగ్ రౌండ్‌లో 596 పాయింట్లు సాధించిన అభినవ్, ఫైనల్ రౌండ్‌లో 700.5 పాయింట్లతో అగ్రస్థానంలో నిలిచాడు. గతంలో హాకీ విభాగంలో మాత్రమే భారత్‌కు బంగారు పతకం లభించింది. ఆ తర్వాత ఏ ఒక్క విభాగంలోనూ ఒలింపిక్ స్వర్ణాన్ని భారత్ సాధించలేక పోయింది. అయితే.. ప్రస్తుతం చైనా రాజధాని బీజింగ్‌లో జరుగుతున్న ఒలింపిక్ పోటీల్లో ఈ అరుదైన రికార్డును అభినవ్ బ్రిందా సాధించాడు.