బౌలింగ్ ఎంచుకున్న స్మిత్: జహీర్ ఔట్, జయదేవ్ ఉనద్కత్ ఇన్

సెంచూరియన్: భారత్ పై తొలి క్రికెట్ టెస్టులో టాస్ గెలిచి దక్షిణాఫ్రికా కెప్టెన్ గ్రేమ్ స్మితి ఫీల్డింగ్ ఎంచుకున్నాడు. మ్యాచ్ వర్షం కారణంగా గురువారం నాలుగు గంటలు ఆలస్యంగా ప్రారంభమైంది. గురువారం మ్యాచ్ ను 90 ఓవర్ల నుంచి 47 ఓవర్లకు కుదించారు. డేల్ స్టెయిన్, మోర్నే మోర్కెల్ బౌలింగ్ ను భారత బ్యాట్స్ మెన్ ఎదుర్కోవాల్సి ఉంటుంది. మైదానం బౌలర్లకు అనుకూలిస్తుందని భావిస్తున్నారు.

కాగా, భారత్ బౌలర్ జహీర్ ఖాన్ గాయం కారణంగా తొలి టెస్టుకు దూరమయ్యాడు. ఆయన స్థానంలో జయదేవ్ ఉనద్కత్ మైదానంలోకి దిగాడు. దక్షిణాఫ్రికా క్రీడాకారులకు ఏ విధమైన ఫిట్నెస్ సమస్యా లేదు. తమ ఆటగాళ్లు ప్రశాంతంగా, కామ్ గా ఉన్నారని, ఇతర విషయాల జోలికి వెళ్లడం లేదని భారత కెప్టెన్ మహేంద్ర సింగ్ ధోనీ అన్నారు.