తొలి టెస్టు మ్యాచ్: టాస్ గెలిచి బ్యాటింగ్ ఎంచుకున్న ఆసీస్

మొహాలి: ఆస్ట్రేలియా, భారత్ మధ్య తొలి క్రికెట్ టెస్టు మ్యాచ్ శుక్రవారం మొహాలీలోని పంజాబ్ క్రికెట్ అసోసియేషన్ స్టేడియంలో ప్రారంభమైంది. ఆస్ట్రేలియా కెప్టెన్ రికీ పాంటింగ్ టాస్ గెలిచి బ్యాటింగ్ ఎంచుకున్నాడు. గాయం కారణంగా బరిలో దిగబోడని అనుకున్న భారత స్పిన్నర్ హర్భజన్ ఈ మ్యాచ్ లో ఆడుతున్నాడు. చాంపియన్స్ లీగ్ ట్వంటీ20 మ్యాచ్ లు ఆడి భారత్ కు తిరిగి వచ్చిన కెప్టెన్ మహేంద్ర సింగ్ ధోనీ తక్కువ వ్యవధిలో టెస్టు మ్యాచ్ కు అలవాటు పడాల్సి ఉంది. చెన్నై సూపర్ కింగ్స్ తరఫున ఆడిన సురేష్ రైనా, మురళీ విజయ్ ల పరిస్థితి కూడా అదే. మొహాలీ మ్యాచ్ లో హర్భజన్ సింగ్ భారత్ కు కీలకం కానున్నాడు. పాంటింగ్ భారత్ పై బాగా ఆడుతాడు. ఇరు జట్ల మధ్య పోటీ నువ్వా నేనా అన్నట్లుంటుందనడంలో సందేహం లేదు.

జట్లు:
భారత్: మహేంద్ర సింగ్ ధోనీ (కెప్టెన్), రాహుల్ ద్రావిడ్, సచిన్ టెండూల్కర్, గౌతం గంభీర్, హర్భజన్ సింగ్, జహీర్ ఖాన్, వివియస్ లక్ష్మణ్, ప్రజ్ఝాన్ ఓజా, సురేష్ రైనా, వీరేందర్ సెహ్వాగ్, ఇషాంత్ శర్మ.

ఆస్ట్రేలియా: రికీ పాంటింగ్ (కెప్టెన్), షేన్ వాట్సన్, సైమన్ కాటిచ్, మైఖెల్ క్లార్క్, మైఖెల్ హస్సీ, మార్కూస్ నార్త్, టిమ్ పెయినే, నాథన్ హారిట్జ్, బోలింగర్, బెన్ హిల్ఫెన్ హాస్, మిచెల్ జాన్సన్.