6 సూపర్ ట్యాకిల్స్‌తో విజయాన్నందుకున్న తెలుగు టైటాన్స్

Six Super Tackles by their defence help Telugu Titans clinch thriller

విశాఖపట్నం: సొంతగడ్డపై తెలుగు టైటాన్స్ జట్టు అదరగొడుతోంది.. వరుసగా రెండో విజయాన్ని నమోదు చేసింది. ఆదివారం ఉత్కంఠభరితంగా సాగిన అంతర్‌ జోన్‌ మ్యాచ్‌లో టైటాన్స్‌ 35-31 తేడాతో హరియాణా స్టీలర్స్‌పై విజయం సాధించింది. ఆదివారం ఇంటర్‌జోన్ ఛాలెంజ్ వీక్‌లో భాగంగా హర్యానా స్టీలర్స్‌తో జరిగిన మ్యాచ్‌లో 35-31 తేడాతో టైటాన్స్ విజయం సాధించింది. రైడింగ్‌లో రాహుల్ చౌదరీ(10) రాణించగా, డిఫెన్స్‌లో విశాల్ భరద్వాజ్(6) ఆకట్టుకున్నాడు. ఆరంభం నుంచి రెండు జట్లు హోరాహోరీగా తలపడ్డాయి.

9-8తో ఆధిక్యంలో ఉన్నపుడు టైటాన్స్‌ సూపర్‌ ట్యాకిల్‌ చేసి ఆధిక్యాన్ని పెంచుకుంది. స్టార్ రైడర్ రాహుల్ చౌదరీ మెరుపు రైడింగ్‌తో ప్రత్యర్థిని ఉక్కిరిబిక్కిరి చేస్తూ పాయింట్లు కొల్లగొట్టాడు. దీంతో ప్రథమార్ధం ముగిసే సరికి టైటాన్స్ 20-13తో ఆధిక్యంలో నిలిచింది. అయితే కీలకమైన ద్వితీయార్ధంలో హర్యానా పుంజుకోవడంతో పాయింట్ల మధ్య అంతరం పెరిగింది.

విరామం తర్వాత కూడా అదే దూకుడుతో ఆడిన టైటాన్స్‌ మ్యాచ్‌ మరో 10 నిమిషాల్లో ముగుస్తుందనగా 29-19తో నిలిచింది. సులభంగానే గెలిచేలా కనిపించింది. కానీ అప్పుడే అసలు డ్రామా మొదలైంది. హర్యానా జట్టులో స్టార్ రైడర్ మోను గోయత్(11), కుల్దీప్‌సింగ్(3) రాణించారు. మోను గోయత్‌ (12) వరుసగా పాయింట్లు తేవడంతో హరియాణా 30-30తో స్కోరు సమం చేసింది. ఆ తర్వాత సూపర్‌ ట్యాకిల్‌ సాధించిన టైటాన్స్‌ 32-30తో ఆధిక్యంలోకి వెళ్లింది.

వెంటనే హరియాణా పాయింట్‌ సాధించి ఆధిక్యాన్ని తగ్గించింది. మరోవైపు చివరి రైడ్‌ డూ ఆర్‌ డై కావడంతో మ్యాచ్‌ టైగా ముగుస్తుందేమో అనుకున్నారు. కానీ నీలేశ్‌ సూపర్‌ రైడ్‌తో 3 పాయింట్లు సాధించి జట్టును గెలిపించాడు. ఈ విజయంతో జోన్‌-బిలో మూడో స్థానానికి చేరుకున్న టైటాన్స్‌ ప్లేఆఫ్‌ చేరే అవకాశాలను మరింత మెరుగుపర్చుకుంది. ఆఖర్లో హోరాహోరీని తలపించింది. చివరి రైడింగ్‌లో నీలేశ్ సాలుంకే మూడు పాయింట్లతో టైటాన్స్ ఉత్కంఠ విజయాన్నందుకుంది. మరో మ్యాచ్‌లో జైపూర్ పింక్‌పాంథర్స్ 37-24తో తమిళ్ తలైవాస్‌పై విజయం సాధించింది.

For Quick Alerts
ALLOW NOTIFICATIONS
For Daily Alerts
Story first published: Monday, December 10, 2018, 11:00 [IST]
Other articles published on Dec 10, 2018
POLLS

Get breaking news alerts from myKhel

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more