ప్రొ కబడ్డీ 2018 విజేతగా నిలిచిన బెంగళూరు బుల్స్

Pawan Sherawat-inspired Bengaluru Bulls beat Gujarat Fortunegiants 38-33 to lift maiden title

ముంబై: ప్రొ కబడ్డీ ఆరో సీజన్‌కు అసలు సిసలైన ముగింపు లభించింది. ఆద్యంతం హోరాహోరీగా సాగిన ఫైనల్లో విజయం సాధించిన బెంగళూరు బుల్స్‌ కొత్త ఛాంపియన్‌గా అవతరించింది. శనివారం హోరా హోరీగా సాగిన తుదిపోరులో బెంగళూరు 38-33తో గుజరాత్‌ ఫార్చ్యూన్‌ జెయింట్స్‌ను ఓడించింది. దీంతో వరుసగా రెండో ఏడాది కూడా గుజరాత్‌ రన్నరప్‌తోనే సరిపెట్టుకోక తప్పలేదు. త సీజన్‌ ఫైనల్లో గుజరాత్‌.. పట్నా చేతిలో ఓడిన సంగతి తెలిసిందే. ఈ హై ఓల్టేజ్‌ మ్యాచ్‌లో బుల్స్‌ను విజయ తీరాలకు చేర్చడంలో స్టార్‌ రైడర్‌ పవన్‌ (25) ప్రధాన పాత్ర పోషించాడు.

రెండు జట్ల ఆటగాళ్లు పాయింట్లు

సచిన్‌ (10), ప్రపంజన్‌ (5) రాణించడంతో గుజరాత్‌ 16-9 ఆధిక్యంతో తొలి అర్ధభాగాన్ని ముగించింది. విరామం తర్వాత కూడా ఆ జట్టు వరుస పాయింట్లు సాధించి ఓ దశలో 19-14తో నిలిచింది. దాంతో బెంగళూరు ఓడిపోయేలా కనిపించింది. కానీ అప్పుడే పవన్‌ మాయ మొదలైంది. సూపర్‌ రైడ్‌లతో విరుచుకుపడిన అతను జట్టు స్కోరును పెంచాడు. ప్రత్యర్థిని ఆలౌట్‌ చేసి బెంగళూరు మరో పది నిమిషాల్లో ఆట ముగుస్తుందనగా 23-22తో తొలిసారి ఆధిక్యాన్ని సాధించింది. ఆ తర్వాత రెండు జట్ల ఆటగాళ్లు పాయింట్ల కోసం పోరాడడంతో ఆధిపత్యం చేతులు మారుతూ వచ్చింది.

నాలుగు నిమిషాల ఆట 29-29తో

మరో నాలుగు నిమిషాల ఆట మాత్రమే ఉందనగా స్కోరు 29-29తో సమమైంది. ఆ దశలో పవన్‌ మళ్లీ విజృంభించాడు. వరుసగా పాయింట్లు తెచ్చి గుజరాత్‌ను మరోసారి ఆలౌట్‌ చేయడంలో కీలక పాత్ర పోషించాడు. దాంతో చివరి రెండు నిమిషాల ఆట ఉందనగా 36-29తో ఆధిక్యంలోకి దూసుకెళ్లిన బెంగళూరు చివరకు మ్యాచ్‌ సొంతం చేసుకుంది.

మోస్ట్‌ వాల్యుబుల్‌ ప్లేయర్‌ అవార్డును పవన్‌

ఇక, మోస్ట్‌ వాల్యుబుల్‌ ప్లేయర్‌ అవార్డును పవన్‌ కుమార్‌ (బెంగళూర్‌) దక్కించుకున్నాడు. రైడర్‌ ఆఫ్‌ ద టోర్నమెంట్‌ అవార్డును ప్రదీప్‌ నర్వాల్‌ (పట్నా) దక్కించుకోగా డిఫెండర్‌ ఆఫ్‌ ద టోర్నమెంట్‌ అవార్డును నితీష్‌ కుమార్‌ (యూపీ యోధ) సొంతం చేసుకున్నాడు. పవన్‌ షెరావత్‌. ఈ సీజన్‌లో అత్యధిక పాయింట్లు సాధించిన రైడర్ల జాబితాలో అగ్రస్థానంలో ఉన్న పవన్‌ ఫైనల్లో అసాధారణ ప్రదర్శనతో మ్యాచ్‌ గమనాన్ని మార్చేశాడు. వెనకబడ్డ జట్టును ముందుకు నడిపి చివరకు విజయాన్ని అందించాడు.

విజేతకు రూ. 3 కోట్లు, రన్నరప్‌కు రూ. 1లక్ష 80 వేలు

మ్యాచ్‌ ఆరంభం నుంచి రెండు జట్లు నువ్వా-నేనా అన్నట్లు తలపడ్డాయి. విజేతగా నిలిచిన బెంగళూరుకు రూ. 3 కోట్లు, గుజరాత్‌కు రూ. 1లక్షా 80 వేల ప్రైజ్‌మనీ లభించింది. ఏడో అంచె పీకేఎల్ జూలైలో మొదలుకానుంది.

For Quick Alerts
ALLOW NOTIFICATIONS
For Daily Alerts
    Story first published: Sunday, January 6, 2019, 9:47 [IST]
    Other articles published on Jan 6, 2019
    POLLS

    Get breaking news alerts from myKhel

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more