ఐపీఎల్ వేలం 2021 ప్లేయర్స్ జాబితా

ఐపీఎల్ 14వ సీజన్‌కు సంబంధించి ఆటగాళ్ల వేలం ఫిబ్రవరి 18వ తేదీన జరుగుతుంది. ఇందులో మొత్తం 8 జట్ల యాజమాన్యాలు పాల్గొని వారికి కావాల్సిన ప్లేయర్లను వేలంపాట ద్వారా కొనుగోలు చేయనుంది. ట్రాన్స్‌ఫర్ విండో ఆప్షన్ ద్వారా ఇప్పటికే పలువురు ప్లేయర్లను తమ తమ జట్లలోకి చేర్చుకున్నాయి ఆయా యాజమాన్యాలు. అదే సమయంలో వారి వద్దనే అట్టి పెట్టుకున్న ప్లేయర్లతో పాటు మరికొందరు ఆటగాళ్లను రిలీజ్ చేస్తూ జాబితాను విడుదల చేశాయి. ఫిబ్రవరి 4వ తేదీతో ఆటగాళ్ల రిజిస్ట్రేషన్‌కు గడువు కూడా ముగిసింది.ఇక తొలి జాబితాలో 1000 మంది క్రికెటర్లు ఉన్నారు. ఫిబ్రవరి 11వ తేదీన ఆయా జట్లు యాజమాన్యాలు బీసీసీఐకి 292 మందితో కూడిన ప్లేయర్ల జాబితాను అందజేశాయి. ఇందులో 164 మంది భారత్‌కు చెందిన క్రికెటర్లు ఉండగా... 125 మంది ఓవర్సీస్ ఆటగాళ్లు ముగ్గురు అనుబంధ దేశాలకు చెందిన ఆటగాళ్లున్నారు. ఇక వేలం పాట చెన్నైలో జరగనుంది. ఐపీఎల్ 2021 వేలంకు సంబంధించిన పూర్తి వివరాలు ఇక్కడ తెలుసుకోండి