హాకీ: ఒత్తిడిలో భారత్, న్యూజిలాండ్‌తో గ్రూప్ పోరు నేడు

లండన్, ఆగస్టు 1: లండన్ ఒలింపిక్స్‌లో జరిగిన తొలి మ్యాచ్‌లో పటిష్టమైన నెదర్లాండ్స్‌తో పోరాడి ఓడిన భారత హాకీ జట్టు ఈరోజు (బుధవారం) జరిగే గ్రూప్ బి రెండో మ్యాచ్ లో న్యూజిలాండ్‌తో తలపడనుంది. తొలి మ్యాచ్‌లో నెదర్లాండ్స్ చేతిలో 2-3తో ఓడిన ఛెత్రి సేన.. నాకౌట్ అవకాశాలను సజీవంగా ఉంచుకోవాలనే పట్టుదలతో ఉంది. తొలి మ్యాచ్ ఓడడంతో భారత హాకీ జట్టు తీవ్ర ఒత్తిడింలో ఉన్న మాట వాస్తవం. ఈ ఒత్తిడిని అధిగమించి మ్యాచ్ గెలవాలంటే ఖచ్చితంగా కష్టపడాల్సిందే. ఎనిమిదేళ్ల తర్వాత ఒ లింపిక్స్ బరిలో దిగిన భారత్ పూర్వవైభవం కోసం ఆరాటపడుతున్న ఛెత్రి సేన ఎలాగైనా సరే ఈ మ్యాచ్ గెలవాలనే ఉద్దేశ్యంతో ప్రణాళికలను రూపొందిస్తుంది.

ఇటీవల కాలంలో ఓ టోర్నీలో భారత్ 1-5తో న్యూజిలాండ్ చేతిలో ఓడింది. అయితే ఏదేమైనా ఈ మ్యాచ్‌లో గెలిచి ప్రతీకారం తీర్చుకోవాలని భారత హాకీ భావిస్తోంది. తొలి మ్యాచ్ నెదర్లాండ్స్‌తో చేసిన తప్పులను పునరావృతం చేయకూడదని భావస్తోంది. ఇక న్యూజిలాండ్ విషయానికి వస్తే తొలి మ్యాచ్ కొరియా చేతిలో ఓడిపోయింది. ఒలింపిక్స్ కు ముందు న్యూజిలాండ్ అజ్లాన్‌షా కప్ గెలిచి మంచి ఊపు మీద ఉంది.

నిపుణుల అంచనా ప్రకారం ఐతే భారీ శరీరాలతో ఉండే కివీస్ ఆటగాళ్లను చూస్తే రగ్బీ ఆటగాళ్లని తలపిస్తారు. దీనినే భారత్ అనుకూలంగా మార్చుకోవాలి. డచ్‌తో ఆడినపుడు మనవాళ్లు వేగంగా కదిలి వాళ్లని తొందరగా అలసిపోయేలా చేశారు. అదే తీరును న్యూజిలాండ్‌పై కూడా అనుసరించాలి. భారీ కాయులైన కివీస్ ఆటగాళ్లు డచ్ ఆటగాళ్ల కన్నా తొందరగా అలసిపోతారు. ఈ మ్యాచ్‌లో వేగమే కీలకం.

హాకీ:
పరుషుల ప్లిలిమినరీ రౌండ్‌
భారత్ - న్యూజిలాండ్ హాకీ మ్యాచ్ సాయంత్రం గం. 6.15 నుంచి

తెలుగు వన్ఇండియా