ఉరుగ్వే 'ఘన'మైన విజయం

జోహన్నెస్‌బర్గ్‌: ఎన్నో ఆశలు రేకెట్త్తించిన ఘనా చతికిలపడింది. రెండవ క్వార్టర్‌ ఫైనల్‌ మ్యాచ్‌లో ఘనాపై 4-2 తేడాతో ఉరుగ్వే విజయం సాధించి సెమీస్‌లోకి దూసుకెళ్లింది. బంగారంలా చేతికి వచ్చిన అవకాశాల్ని జారవిడుచుకుని పరాజయ భారంతో ఘనా ఫిఫా వరల్డ్‌ కప్‌ ఫుట్‌బాల్‌ టోర్ని నుంచి నిష్క్రమించింది. నిర్ణీత సమయం ముగిసే సరికి ఇరుజట్లు 1-1 స్కోర్‌తో సమానంగా వుండటంతో మ్యాచ్‌ ఫలితాన్ని నిర్ణయించడానికి అదనపు సమయం అవసరమైంది.

అదనపు సమయంలో అందివచ్చిన పెనాల్టీ షూటవుట్‌ను చేజార్చుకోవడంతో మ్యాచ్‌ ఫలితాన్ని నిర్ణయించడానికి పెనాల్టీ షూటవుట్‌లకు దారి తీసింది. ఘనా, ఉరుగ్వే జట్లు మూడవ షూట్‌ అవుట్స్‌ను వరుసగా మిస్‌ చేయడంతో మ్యాచ్‌ ఆసక్తి కరంగా మారింది. ఆ తర్వాత నాలుగవ షూటవుట్‌ను ఘనా ఆటగాడు గోల్‌లోకి కొట్టడకపోవడంతో మ్యాచ్‌ విజయవకాశాలు దెబ్బతిన్నాయి. చివరి షూట్‌ అవుట్‌ను ఉరుగ్వే ఆటగాడు గోల్‌చేయడం ద్వారా విజయం సాధించి సెమీస్‌కు చేరుకుంది