నాకౌట్ కు అర్హత సాధించిన ఉరుగ్వే, మెక్సికో

గ్రూప్‌ 'ఎ' నుంచి ఉరుగ్వే, మెక్సికోలు నాకౌట్‌కు అర్హత సాధించాయి. ఉరుగ్వే రెండు విజయాలు, ఒక డ్రాతో మొత్తం 7 పాయింట్లు సాధించి గ్రూపులో అగ్రస్థానంలో నిలిచింది. మెక్సికో రెండో స్థానంలో ముందుకెళ్లింది. నిజానికి మెక్సికోకు కూడా దక్షిణాఫ్రికా లాగే 4 పాయింట్లున్నాయి. కానీ గోల్స్‌ తేడాలో మెక్సికో ముందుంది. మూడు మ్యాచ్‌ల్లో కలిపి మెక్సికో (గోల్స్‌ తేడా, +1) మూడు గోల్స్‌ చేసి, రెండు ఇచ్చింది. దక్షిణాఫ్రికా (-2) మూడు గోల్స్‌ చేసి..ఐదు గోల్స్‌ సమర్పించుకుంది. గ్రూప్‌లో ఒకే గోల్‌, ఒకే డ్రా, ఒకే పాయింట్‌తో ఫ్రాన్స్‌ అట్టడుగున నిలిచింది.