The Best FIFA Football Awards 2019: పూర్తి విజేతలు వీరే

By Nageshwara Rao M

Published: Tuesday, September 24, 2019, 13:47 [IST]

The Best FIFA Football Awards 2019: Full List of Winners

హైదరాబాద్: అర్జెంటీనా స్టార్ ప్లేయర్ లియోనల్ మెస్సీ ఆరోసారి ఉత్తమ ఫిఫా ప్లేయర్ ఆఫ్ ద ఇయర్ అవార్డుని గెలుచుకున్నాడు. మిలన్‌లోని ఓపెరా హౌస్‌లో సోమవారం ఫిఫా అవార్డుల కార్యక్రమం కన్నుల పండుగగా జరిగింది. ఉత్తమ మహిళా ఫిఫా ప్లేయర్ ఆఫ్ ద ఇయర్ అవార్డుని అమెరికాకు చెందిన మేగాన్ రాపినో గెలుచుకుంది.

ఈ ఏడాది జులైలో జరిగిన మహిళల వరల్డ్‌కప్‌లో మేగాన్ రాపినో సారథ్యంలోని అమెరికా జట్టు టైటిల్ విజేతగా నిలిచింది. ఇక, మహిళల కోచ్ అవార్డుని జిల్ ఇల్లీస్ సొంతం చేసుకుంది. ఈ మెగా టోర్నీలో మేగాన్ రాపినో ఆరు గోల్స్ చేసి జట్టు విజయంలో కీలకపాత్ర పోషించింది. ఈ టోర్నీలో అత్యధిక గోల్స్ చేసిన క్రీడాకారిణిగా కూడా నిలిచింది.

దీంతో గోల్డెన్ బూట్‌తో పాటు గోల్డెన్ బంతిని కూడా దక్కించుకుంది. ఇక, పురుషుల్లో మెస్సీతో పాటు ఈ అవార్డు కోసం పోర్చుగల్ స్టార్ ప్లేయర్ క్రిస్టియానో రొనాల్డో, లివర్ పూల్ డిఫెండర్ విర్గిల్ వాన్ డిజిక్‌లు పోటీలో నిలిచారు. అయితే, ఫిఫా అభిమానులు మాత్రం ఈ అవార్డుని మెస్సీకే కట్టబెట్టారు.

గత సీజన్‌లో బార్సిలోనా జట్టుతో కలిసి స్పానిష్ లాలిగా టైటిల్ లియోనల్ మెస్సీ నెగ్గిన సంగతి తెలిసిందే. అన్ని పోటీల్లో కలిపి లియోనల్ మెస్సీ మొత్తం 58 గేమ్స్ ఆడి 54 గోల్స్ సాధించడంతో యూరోపియన్ లీగ్ గోల్డెన్ బూట్‌ని కూడా సొంతం చేసుకున్నాడు. మరోవైపు రొనాల్డో సైతం 55 గేముల్లో 54 గోల్స్ చేయడం విశేషం.

ఈ ఏడాది లివర్‌పూల్ జట్టుని ఛాంపియన్ లీగ్ టైటిల్ విజేతగా నిలబెట్టిన డిఫెండర్ విర్గిల్ వాన్ డిజిక్ కాదని మెస్సీకి ఈ అవార్డు ఇవ్వడం అందరినీ ఆశ్చర్యానికి గురి చేసింది. ఈ సీజన్‌లో యూరోపియన్ ఉత్తమ ప్లేయర్ అవార్డుని సొంతం చేసుకున్న డిఫెండర్ విర్గిల్ వాన్ డిజిక్‌కే ఉత్తమ ఫిఫా ప్లేయర్ అవార్డు వరిస్తుందని అంతా భావించారు.

2019 సంవత్సరానికి ఫిఫా ఫుట్‌బాల్ అవార్డు విజేతలు వీరే: