దక్షిణాఫ్రికాలో ధగధగమంటున్న స్టేడియంలు

అది నిజంగా మగధీరుల ఆట. ఎనర్జీ ప్రదర్శనకు సరైన మార్గం. అటువంటి ఫుట్ బాల్ వరల్డ్ కప్ కోసం దక్షిణాఫ్రికా తన స్టేడియంలను పునర్మించనుంది. భారీ టోర్నీకి అతి భారీతనం అద్దే క్రమంలో, దక్షిణాఫ్రికా కోట్లాది రూపాయలు వెచ్చించి కళ్లు చెదిరే క్రీడా మైదానాలను సిద్ధం చేసింది. స్టేట్-ఆఫ్-ద-ఆర్ట్ అనదగ్గ ఈ వేదికలు మరో కొద్ది రోజుల్లో సాకర్ ప్రపంచకప్‌కు ఆతిథ్యమివ్వనున్నాయి. ఈ నేపథ్యంలో దక్షిణాఫ్రికాలోని ఫుట్‌బాల్ వేదికల వివరాలివి.

స్టేడియం: ఎల్లిస్ పార్క్-జోహాన్నెస్ బర్గ్
కెపాసిటీ: 62, 000, నిర్మాణం: 1928, వ్యయం: రూ.129 కోట్లు (ఆధునీకరణ వ్యయం), విశేషాలు: మొదట్లో కేవలం రగ్బీ కోసం ఉపయోగించిన ఈ స్టేడియాన్ని 1982లో పునర్నిర్మించారు.

స్టేడియం: ఫ్రీ స్టేట్- మాంగాంగ్/బ్లోమ్‌ఫోంటేన్
కెపాసిటీ: 48,000, నిర్మాణం: 1952, వ్యయం: రూ.163 (ఆధునీకరణ) కోట్లు, విశేషాలు: గతంలో 38,000 ఉన్న స్టేడియం సామర్థ్యాన్ని మరో పదివేలకు పెంచారు.

స్టేడియం: మోజెస్ మాభిదా-డర్బన్
కెపాసిటీ: 70,000, నిర్మాణం: 2009, వ్యయం: రూ.1688 కోట్లు, విశేషాలు: ఇంతకుముందున్న సాకర్ మైదానాన్ని కూలగొట్టి కొత్తగా నిర్మిస్తున్నారు.

స్టేడియం: నెల్సన్ మండేలా బే-పోర్ట్ ఎలిజబెత్
కెపాసిటీ: 48,400, నిర్మాణం: 2009, వ్యయం: రూ. 900 కోట్లు. విశేషాలు: స్టేట్-ఆఫ్-ద- ఆర్ట్‌కు అచ్చమైన ప్రతీకలా కనిపించే ఈ స్టేడియాన్ని సాకర్‌తో పాటు ఇతర క్రీడలకు కూడా అనువుగా ఉండే విధంగా నిర్మించారు.

స్టేడియం: రాయల్ బఫోకెంగ్-రస్టెన్‌ బర్గ్
కెపాసిటీ: 42,000, నిర్మాణం: 1995, వ్యయం: రూ. 88 కోట్లు (ఆధునీకరణ వ్యయం). విశేషాలు: పాత్ర ఆకారంలో ఉండే ఈ స్టేడియంలో విశాలమైన సీటింగ్ ఏర్పాటు చేశారు.

స్టేడియం: పీటర్ మొకాబా-పొలోక్వానే
కెపాసిటీ: 46,000, నిర్మాణం: 2010, వ్యయం: రూ. 776 కోట్లు. విశేషాలు: బావోబాబ్ వృక్ష ఆకారంలో నిర్మితమైన అ తిపెద్ద కాంక్రీట్ నిర్మాణంగా ఈ స్టేడియాన్ని పేర్కొనవచ్చు.

స్టేడియం: గ్రీన్ పాయింట్-కేప్ ‌టౌన్
కెపాసిటీ: 70,000, నిర్మాణం:2009, వ్యయం: రూ. 2335 కోట్లు. విశేషాలు: పాత స్టేడియాన్ని 2007లో కూల్చి దాని స్థానంలో తాజా నిర్మాణాన్ని మొదలుపెట్టారు. ఈ స్టేడియం డిసెంబర్ నాటికల్లా పూర్తిస్థాయిలో అందుబాటులోకి వస్తుందని భావిస్తున్నారు.

స్టేడియం: ఎంబోంబెలా-నెల్ ‌స్ప్రూట్
కెపాసిటీ: 46,000, నిర్మాణం: 2009, వ్యయం: రూ. 562 కోట్లు. విశేషాలు: ప్రపంచ ప్రఖ్యాత క్రూగర్ నేషనల్ పార్క్‌కు సమీపంలో ఈ స్టేడియం ఉంది.

స్టేడియం: సాకర్ సిటీ- జోహాన్నెస్ ‌బర్గ్
కెపాసిటీ: 94,700, నిర్మాణం: 1987, వ్యయం: రూ. 1165 కోట్లు. విశేషాలు: ప్రారంభోత్సవ వేడుకలతో పాటు ఫైనల్స్‌కు కూడా ఈస్టేడియం ఆతిథ్యమివ్వనుంది. 1996లో ఆఫ్రికా కప్ ఫైనల్ మ్యాచ్‌కు ఆతిథ్యమిచ్చింది. ఈ పోటీలో దక్షిణాఫ్రికా జట్టు విజేతగా నిలిచింది.

స్టేడియం: లోఫ్టస్ వెర్స్‌ఫీల్డ్- ష్వానే/ప్రిటోరియా
కెపాసిటీ: 50,000, నిర్మాణం: 1906, వ్యయం: రూ.50 కోట్లు (ఆధునీకరణ వ్యయం). విశేషాలు: దక్షిణాఫ్రికాలోకె ల్లా పురాతన స్టేడియాల్లో ఇదొకటి. తాజాగా ప్రపంచకప్ కోసం ఆధునీకరించారు.