ఫోటోలు: 'ఆ అవార్డు పొందేందుకు అతడు అర్హుడే'

35 మ్యాచ్‌ల్లో అజేయంగా నిలిచిన రియల్ మాడ్రిడ్

ఇప్పటివరకు 35 మ్యాచ్‌ల్లో అజేయంగా నిలిచిన రియల్ మాడ్రిడ్ జట్టు.. ఐదో వరల్డ్ ఫుట్ బాల్ టైటిల్ గెలుచుకునేందుకు సిద్ధంగా ఉంది. అయితే గురువారం జరిగే మ్యాచ్‌లో సారథి సెర్జియో రామోస్ ఆడకపోవచ్చునన్నాడు. తీవ్రమైన గాయం కాకపోయినా సుదీర్ఘ ప్రయాణం తర్వాత ఒకింత అలసిపోయినట్లు కనిపిస్తున్నాడన్నాడు. అయితే ఫైనల్స్ మ్యాచ్ లో ఆడేందుకు సిద్ధంగా ఉంటాడని జిడానె అన్నాడు. చీల మండల గాయంతో గారెథ్ బాలెను మిస్ కావడం ఇబ్బందికరమేనన్నాడు.

మన జట్టుకు తలనొప్పి

కుర్రాళ్లు క్లబ్ అమెరికా జట్టుపై గెలవగలమని అతి విశ్వాసంతో వ్యవహరించొద్దని సుతిమెత్తగా మందలించాడు. రియల్ మాడ్రిడ్‍పై జరిగే మ్యాచ్‌లో ఎలాగైనా గెలుపొందాలని ఆ జట్టు సభ్యులు గట్టిగా ప్రయత్నిస్తారన్నాడు. రియల్ మాడ్రిడ్ ప్లేయర్లు విజయం తప్ప మరో అంశంపై ఫోకస్ పెట్టొద్దని కోరాడు.‘క్లబ్ అమెరికా కుర్రాళ్లు పూర్తిగా నైపుణ్యం కలిగి ఉంటూ తెలివైన ఆటగాళ్లుగా రుజువు చేసుకుంటారు' అని అన్నాడు. ‘వారు మన జట్టుకు తప్పనిసరిగా తలనొప్పిగా పరిణమిస్తారు' అని చెప్పాడు.‘క్లబ్ అమెరికా జట్టుతో జరిగే మ్యాచ్ చాలా క్లిష్టంగా ఉంటుంది' అని వివరించాడు.

ఎవర్టోన్‌తో ఓటమిని ఆత్మశోధన చేసుకోవాలన్న అర్సెనల్ వింగర్

ఇంగ్లిష్ ప్రీమియర్ లీగ్ (ఇపిఎల్) లీగ్ మ్యాచ్‌లో ‘ఎవర్టోన్' జట్టు చేతిలో 1-2 స్కోర్ తేడాతో ఓటమి పాలవ్వడంపై అర్సెనల్ జట్టు ఆత్మశోధన చేసుకోవాలని జట్టు మేనేజర్ అర్సెన్ వింగ్ వ్యాఖ్యానించాడు. మంగళవారం ఎవర్టోన్ జట్టుతో జరిగిన మ్యాచ్‌లో అర్సెనల్ ఓటమి పాలవ్వడంతో 15 మ్యాచ్‌ల్లో జట్టు అజేయమైన రికార్డును నిలువరించగలిగింది.

టాప్‌లో చెల్సియా

మాజీ ఇపిఎల్ చాంపియన్లుగా 16 మ్యాచ్ ల్లో కేవలం రెండు మ్యాచ్‌ల్లో మాత్రమే ఓటమి పాలవ్వడంతోపాటు 34 పాయింట్లతో ప్రస్తుతం ఇపిఎల్ టోర్నీలో లీడర్లుగా కొనసాగుతున్న చెల్సియా కంటే ఒక స్థానం వెనుకబడి ఉంది. తమ గురించి తాము ఆలోచించుకోవాల్సిన దుస్థితి నెలకొన్నదని చెప్పాడు. కంఫర్టబుల్ చాన్స్ కోసం ఎదురుచూసేలోగా భౌతికంగా బలమైన జట్టుగా ఎవర్టోన్ విజయం సాదించగలిగిందన్నాడు. మొత్తంగా తాము కొన్ని అవకాశాలు మాత్రమే నెలకొల్పడం వల్ల కూడా ముందుకు వెళ్లలేకపోయామన్నాడు. ఫుట్ బాల్ మ్యాచ్‌లలో వాతావరణాన్ని బట్టి మ్యాచ్ ఫలితం ఆధారపడి ఉంటుందని తెిపాడు.