టీవీ లేదు: 'కామెంటేటర్లు గట్టిగా కేకలేస్తే గోల్ అయ్యేది'

ప్రఫుట్ పటేల్ ఆసక్తి

ఫిఫా యు-20 వరల్డ్ కప్ బిడ్ దాఖలుచేసేందుకు ఎఐఎఫ్ఎఫ్ అధ్యక్షుడు ప్రఫుట్ పటేల్ చాలా ఆసక్తిగా ఉన్నారు. ఖతార్ తర్వాత ఆతిథ్యం ఇచ్చేందుకు భారత్ అవకాశాలు పుష్కలంగా ఉన్నాయని కుశాల్ దాస్ చెప్పారు. అండర్ - 20 వరల్డ్ కప్ టోర్నీ నిర్వహణకు శక్తి సామర్థ్యాలు పెంచుకోవడం ద్వారా భారత్‌లో ఫుట్ బాల్ ఆటకు అవసరమైన మౌలిక వసతుల కల్పన, క్షేత్రస్థాయిలో విస్త్రుతంగా డెవలప్ చేసేందుకు ప్రేరణగా నిలుస్తుందన్నారు. నూతన మెట్రో పాలిటన్ సిటీల్లో క్రమంగా ఫుట్ బాల్ కల్చర్ డెవలప్ కావడానికి దారి తీస్తుందన్నారు.

ఫుట్ బాల్ ఆడే వారి సంఖ్య పెరుగుతుంది

ఇప్పటికే పలు పట్టణాలు, నగరాల్లో ఫుట్ బాల్ ఆడే వారి సంఖ్య శరవేగంగా పెరుగుతుందని కుశాల్ దాస్ వివరించారు. ‘ఐ-లీగ్' చాంపియన్లుగా, ఎఎఫ్‌సి కప్ ఫైనలిస్టులుగా బెంగళూరు ఎఫ్‌సి జట్టుకు దేశవ్యాప్తంగా భారీగా అభిమానులు పెరిగారని చెప్పారు. ముంబై నుంచి కార్పొరేట్ లీగ్ ఇండియన్ సూపర్ లీగ్ కు ప్రాతినిధ్యం వహిస్తున్న ముంబై సిటీ ఎఫ్ సి జట్టు ఆడుతున్న మ్యాచ్‌లను వీక్షించేందుకు వస్తున్న అభిమానులతో స్టేడియం నిండిపోతున్నదని, ఇక చెన్నై నుంచి ప్రాతినిధ్యం వహిస్తున్న ఫ్రాంచైసీ చెన్నైయిన్ ఎఫ్‌సి జట్టుకు వరుసగా మూడేళ్లుగా జరుగుతున్న మ్యాచ్‌లకు 20 వేల మందికి పైగా అభిమానులు హాజరవుతున్నారని ఆయన గుర్తుచేశారు.

అభిమానుల రాక పెరిగింది

ఢిల్లీ డైనమోస్ ఎఫ్ సి జట్టు ఆధ్వర్యంలో జరిగే మ్యాచ్‌లకు ఈ ఏడాది గణనీయ స్థాయిలో అభిమానుల రాక పెరిగిందన్నారు. పట్టణ యువతలో ఫుట్ బాల్ ప్రేమికుల సంఖ్య గణనీయ స్థాయిలో పెరుగుతున్నదని, శాంతియుతంగా తమాషాలను ప్రేమించే అభిమానులుగా మహిళల్లోనూ 50 శాతం మంది ఫ్యాన్స్ ఉన్నారని తెలిపారు. 2022లో మిడిల్ ఈస్ట్ లో నిర్వహించే వరల్డ్ కప్ ద్వారా కుటుంబ నేపథ్యంగా ఫుట్ బాల్ ఎదుగుదలకు పట్టణ భారత్‌లో అవకాశాలు మెరుగు పడ్డాయన్నారు. క్రమంగా భారతీయ ఫుట్ బాల్ ఒక్కో అడుగు వేస్తూ ముందుకు సాగుతున్నదన్నారు.

ఎఎఫ్‌సి కప్ ఫైనల్స్‌కు బెంగళూరు ఎఫ్ సి

బెంగళూరు ఎఫ్ సి ఈ ఏడాది ఎఎఫ్‌సి కప్ ఫైనల్స్‌కు దూసుకెళ్లడంతోపాటు గోవాలో గత సెప్టెంబర్‌లో జరిగిన ఎఎఫ్‌సి యు-16 చాంపియన్ షిప్ టోర్నీలో జాతీయ జట్టు గణనీయ ప్రగతి సాధించిందన్న కుశాల్ దాస్.. ఈ పరిణామాలన్నీ తదుపరి భారతీయ ఫుట్‌బాల్ ఎదిగేందుకు దోహదపడతాయని చెప్పారు. 2022 వరల్డ్ కప్ తర్వాత పట్టణ భారత్‌లో ఫుట్‌బాల్ ఆటకు గల అవగాహన ఉన్నతస్థాయికి దూసుకెళుతుందన్నారు. మెక్సికోలో 1970లో తాను 10 ఏళ్ల వయస్సులో ఉన్నప్పుడు టివి లేదని, కేవలం స్పానిష్ భాషలో రేడియో వినేవాడినన్నారు.

కామెంటేటర్లు గట్టిగా కేకలేస్తే గోల్ అయ్యేది

అప్పుడు ఇటలీకి వ్యతిరేకంగా పీలే ఆడుతున్నప్పుడు కామెంటేటర్లు గట్టిగా కేకలేస్తే గోల్ అయిందని గుర్తించేవాడినన్నాడు. తర్వాత 1986లో మారడోనా మ్యాజిక్ తో తన స్నేహితులు కొందరు స్టేడియం నుంచి లైవ్ కలర్ టీవీల్లో మ్యాచ్‌లు వీక్షించారని 10 ఏళ్ల గడువులోనే ఎంతో ప్రగతి సాధించారని చెప్పారు. 2012లో పుట్టిన భారతీయులు 2022 నేయ్మార్ ఆటతీరును ఖచ్చితంగా వీక్షిస్తారని తెలిపారు.