ఫిఫా నుంచి పురోగతి ఉంటుందని ఫిఫ్ప్రో ఆశాభావం
ఫిఫా పాలక మండలి నుంచి ఈ విషయమై పురోగతి కనిపిస్తుందని ఆశాభావం వ్యక్తం చేస్తూ ‘ఫిఫ్ప్రో' ట్వీట్ చేసింది. ‘వాడా' విధించిన నిషేధం అమలులోకి రావడంతో 36 సంవత్సరాల తర్వాత అర్హత సాధించిన ‘పెరు' తరఫున పాల్ గైర్రెరో (34) వచ్చే నెల రష్యాలో జరిగే ఫిఫా వరల్డ్ కప్ టోర్నమెంట్కు అనుమతిస్తారనే ఆశాభావాన్ని వ్యక్తపరిచింది.
వాడా కోడ్ అమలులో అధికార దుర్వినియోగం
మెరుగైన ఆటతీరు ప్రదర్శించే సామర్థం గల లీడింగ్ స్కోరర్ పాల్ గైర్రెరోకు గల సామర్థ్యాన్ని పరిగణనలోకి తీసుకోకుండా, తాను తాగిన టీలో ఏముందో తెలుసుకోకుండా ‘కాస్' నిషేధాన్ని పొడిగించడం సరి కాదని ఫిఫ్ప్రో పేర్కొన్నది. వాడా కోడ్ అమలు చేస్తున్న ఫిఫా తన అధికారాలను దుర్వినియోగం చేస్తోందని ఫిఫ్ప్రో విమర్శించింది. ఆండ్రియన్ దేశాల్లో అనారోగ్యం నుంచి బయటపడేందుకు సంప్రదాయమైన చికిత్సా విధానం కొకెయిన్ ఆకులను టీలో కలిపి తాగడం సాధారణమని ఫిఫ్ప్రో పేర్కొంది.
పెరిగిపోవడంతో హెడ్ కోచ్ షిన్ తాయ్ యోంగ్కు
వచ్చే నెలలో రష్యాలో మొదలు కానున్న సాకర్ సంరంభానికి దక్షిణ కొరియా ప్లేయర్ లీ కౌన్ దూరం కానున్నారు. గత వారాంతంలో కొరియా లీగ్లో గాంగ్వాన్ ఎఫ్ సీ క్లబ్ జట్టుపై ఆడి కుడి మోకాలికి గాయమైంది. మాజీ ఆసియాన్ ప్లేయర్ ఆఫ్ ది ఇయర్ లీ కౌన్.. 2012 కాంటినెంటల్ అవార్డు కూడా గెలుచుకున్నాడు. ఆసియాన్ చాంపియన్స్ లీగ్ లైటిల్ పోరులో ఉల్లసాన్ హుండాయికి సాయం చేసినందుకు లీ కౌన్కు ఈ కాంటినెంటల్ అవార్డు అందుకున్నారు. ఇలా దక్షిణ కొరియా ప్లేయర్లలో గాయాల పాలైన ఆటగాళ్ల జాబితా చాంతాడంత పెరిగిపోవడంతో హెడ్ కోచ్ షిన్ తాయ్ యోంగ్కు పెద్ద తలనొప్పిగా పరిణమించింది.
సాకర్ కప్ టోర్నమెంట్కు దూరం కావడం ఖాయమే
లీ కౌన్ వచ్చే నెలలో జరిగే సాకర్ కప్ టోర్నమెంట్కు దూరం కావడం ఖాయమేనని దక్షిణ కొరియా ఫుట్ బాల్ అసోసియేషన్ ధ్రువీకరించింది. ఆయనతోపాటు గాయాలతో సెంట్రల్ డిఫెండర్ కిమ్ మిన్ జాయి, క్వోన్ చాంగ్ హూన్ కూడా టోర్నీకి దూరమే. కిమ్ కాలికే గాయంకాగా, క్వోన్ కాలి కండరాలు కదిలిపోవడంతో ఆటలో పాల్గొనలేకపోతున్నారని ఫుట్బాల్ అసోసియేషన్ తెలిపింది. ఇక కిమ్ జిన్ షూ కూడా మోకాలి గాయంతో టోర్నమెంటులో పాల్గొనడం అనుమానమే. వచ్చేవారం ఫ్రెండ్లీ మ్యాచ్ల్లో కూడా కిమ్ ఆడటమే సందేహమేనని షిన్ తెలిపారు.