ఫేవరెటైతేనే కష్టం: అర్జెంటీనాకు మెస్సీ చేయాల్సిందేమీ లేదు: డియాగో మారడోనా

1986 మెక్సికో టైటిల్ అర్జెంటీనాకే

1986లో మెక్సికోలో జరిగిన ప్రపంచ కప్ టైటిల్‌ను గెలుచుకోవడంలో కీలకంగా వ్యవహరించిన డియాగో మారడోనాను స్ఫూర్తిగా తీసుకుని గత ప్రపంచ కప్ టోర్నీలో అర్జెంటీనా స్ఫూర్తి పొందింది. 1986లో అర్జెంటీనా సారథిగా మారడోనా ప్రపంచకప్ టైటిల్ గెలుచుకోగా, నాలుగేళ్ల తర్వాత మెక్సికో ఓటమి పాలైంది.

2016 తర్వాత కొంత కాలం అంతర్జాతీయ ఫుట్‌బాల్‌కు మెస్సీ దూరం

2016లో చిలీలో జరిగిన కొపా అమెరికా కాంటెనారోలో తాను ప్రాతినిధ్యం వహించిన జట్టు ఓటమి పాలైన తర్వాత కొంతకాలం పాటు అంతర్జాతీయ ఫుట్‌బాల్ జట్టుకు రిటైరయ్యారు లియానెల్ మెస్సీ. అయితే ప్రస్తుతం జరిగే ప్రపంచ కప్ టోర్నమెంట్‌లో ప్రధాన పోటీదారు కాదని చెబుతున్నాడు మెస్సీ. కానీ డియాగో మారడోనా భిన్నంగా అభిప్రాయ పడుతున్నాడు.

మిస్టర్ మెస్సీ!! ఆడుతూ ఎంజాయ్ చేయండి

‘నేను మెస్సీని కేవలం ఆడమని మాత్రమే సలహా ఇస్తున్నా. ఆటను ఎంజాయ్ చేయమని సూచిస్తున్నా. ఆయన విమర్శలను పట్టించుకోవద్దు. ఆయన ప్రపంచ కప్ గెలుచుకుంటారా? లేదా? అన్న విషయం తర్వాత? ఆయన ప్రత్యేక ప్రదర్శన చేయాల్సిన అవసరం లేదు. నాకు కోచ్ జార్జి సంపౌలీ ఎలా ఆడతారో నాకు తెలియదు. కానీ చాలా మంది ప్లేయర్లు నాకు తెలుసు. వారంతా చాలా బాగా ఆడతారు' అని డియాగో మారడోనా చెప్పాడు.

ఫేవరెట్లైతే గెలుపొందడం కష్టమన్న మారడోనా

‘గెలుపొందేందుకు వారి (అర్జెంటీనా)కి మంచి అవకాశం ఉన్నది. అర్జెంటీనాను నేను ఫేవరెట్‌గా పరిగణించను. ఫేవరెట్లు ఏనాడు టైటిల్ గెలుచుకోలేదు.'అని డియాగో మారడోనా తెలిపాడు. డియాగో మారడోనా, లియానెల్ మెస్సీ ఇద్దరూ అర్జెంటీనా ఆటగాళ్లే. అంతర్జాతీయ ఫుట్‌బాల్ చరిత్రలో వారి ముద్ర చెరుపలేనిది. ఇదిలా ఉంటే ప్రపంచ కప్ ఫ్రెండ్లీ మ్యాచ్‌ల్లో హైతీని 4 - 0 స్కోర్ తేడాతో అర్జెంటీనా జట్టు ఓడించింది. మెస్సీ హ్యాట్రిక్ గోల్స్ చేయడంతో ఈ విజయం సాధ్యమైంది. ఈ నెల 16వ తేదీన ఇజ్రాయెల్ జట్టుతో అర్జెంటీనా తల పడనున్నది.