గతేడాది మడేరియా ఎయిర్పోర్టులో క్రిస్టియానో రొనాల్డొ
గతేడాది మడేరియా ఎయిర్పోర్టులో పోర్చుగల్ ఆటగాడు క్రిస్టియానో రొనాల్డొ విగ్రహాన్ని ఏర్పాటు చేసిన సంగతి తెలిసిందే. 2016లో ఈ ఎయిర్ పోర్టు పేరును క్రిస్టియానో రొనాల్డో ఇంటర్నేషనల్ ఎయిర్పోర్ట్గాను మార్చారు. తాజాగా ఈ ఎయిర్ పోర్టులో ఉంచిన రొనాల్డొ విగ్రహాన్ని మార్చారట. కుటుంబ సభ్యుల కోరిక మేరకు ఈ విగ్రహాన్ని మార్చినట్లు విమానాశ్రయం అధికారులు తెలిపారు.
రొనాల్డొ విగ్రహం పెట్టినప్పుడే అలా లేదని
గతేడాది రొనాల్డొ విగ్రహం పెట్టినప్పుడే చాలా మంది అది రొనాల్డొను పోలినట్లు లేదు. ఎఫ్-1 డ్రైవర్ డేవిడ్ కౌల్ట్హార్డ్లా ఉందని ఎంతో మంది నెటిజన్లు తమ అభిప్రాయం వెల్లడించారు. ఇవన్నీ పరిగణనలోకి తీసుకున్న విమానాశ్రయ అధికారులు కొద్ది రోజుల క్రితం రొనాల్డొ విగ్రహాన్ని మార్చినట్లు తెలిపారు.
రష్యాలో పర్యటిస్తోన్న రొనాల్డొ
ఈ విషయాన్ని రొనాల్డొ సోదరుడు కూడా ధ్రువీకరించాడు. ఈ కొత్త విగ్రహానికి సంబంధించిన ఫొటోలు ఇప్పుడు నెట్టింట్లో వైరల్గా మారాయి. రొనాల్డొ విగ్రహం బాగుందని అభిమానులు కామెంట్లు చేస్తున్నారు. ప్రస్తుతం ఫిఫా ప్రపంచకప్ టోర్నీ కోసం రొనాల్డొ రష్యాలో పర్యటిస్తోన్న సంగతి తెలిసిందే. టోర్నీలో భాగంగా బుధవారం పోర్చుగల్.. మొరాకోను ఢీకొట్టనుంది.
స్వీట్ మీద రొనాల్డొ, మెస్సీల బొమ్మలు
అభిమానం కట్టలు తెంచుకొని ఇటీవలే ప్రపంచ కప్ మ్యాచ్ చూడలేకపోయినా ఓ అభిమాని గమ్మత్తైన పని చేశాడు. తన ఇంటినే అభిమాన ఆటగాడు లియోనల్ మెస్సీని ప్రతిబింబించేలా కనిపించాలని ఇంటికి అవే రంగులు వేయించాడు. అంతేకాకుండా రంజాన్ సందర్భంగా చేసిన పార్టీలో ఏకంగా స్వీట్ మీద రొనాల్డొ, మెస్సీల బొమ్మలు తయారుచేయించి సంబరాలు జరుపుకున్నారు.