FIFA అవార్డులు: చరిత్ర సృష్టించిన లియోనల్ మెస్సీ

55 గేముల్లో 54 గోల్స్

మరోవైపు క్రిస్టియానో రొనాల్డో సైతం 55 గేముల్లో 54 గోల్స్ చేయడం విశేషం. ఇదిలా ఉంటే, ఉత్తమ ఫిఫా ప్లేయర్ ఆఫ్ ది ఇయర్ అవార్డును గెలుచుకున్నప్పటికీ లియోనల్ మెస్సీ ఎంజాయ్ చేయలేకపోతున్నాడు. అందుకు కారణం మెస్సీ సారథ్యంలోని అర్జెంటీనా జట్టు కోపా అమెరికా లీగ్ సెమీఫైనల్స్‌లో దాయాదుల పోరులో బ్రెజిల్ చేతిలో ఓడిపోయింది.

మెస్సీ vs డిజిక్ పోటా పోటీ

అయితే, ఈ ఏడాది లివర్‌పూల్ జట్టుని ఛాంపియన్ లీగ్ టైటిల్ విజేతగా నిలబెట్టిన డిఫెండర్ విర్గిల్ వాన్ డిజిక్ కాదని మెస్సీకి ఈ అవార్డు ఇవ్వడం అందరినీ ఆశ్చర్యానికి గురి చేసింది. ఈ సీజన్‌లో యూరోపియన్ ఉత్తమ ప్లేయర్ అవార్డుని సొంతం చేసుకున్న డిఫెండర్ విర్గిల్ వాన్ డిజిక్‌కే ఉత్తమ ఫిఫా ప్లేయర్ అవార్డు వరిస్తుందని అంతా ఊహించారు.

లా స్కాలా ఓపెరా హౌస్ అవార్డు కూడా

ఉత్తమ ఫిఫా అవార్డుతో పాటు లా స్కాలా ఓపెరా హౌస్ అవార్డు కూడా మెస్సీనే వరించింది. దీంతో అవార్డుల విషయంలో రొనాల్డోపై మెస్సీ పైచేయి సాధించాడు. 2007లో క్రిస్టియానో రొనాల్డో సైతం లా స్కాలా ఓపెరా హౌస్ అవార్డుని అందుకున్నప్పటికీ ఆరు ఫిఫా ఉత్తమ ప్లేయర్ అవార్డులతో మెస్సీ ముందంజలో ఉన్నాడు.

మేగాన్ రాపినోయ్‌కు మహిళా త్తమ ఫిఫా ప్లేయర్ ఆఫ్ ద ఇయర్ అవార్డు

ఇక, మహిళా ఉత్తమ ఫిఫా ప్లేయర్ ఆఫ్ ద ఇయర్ అవార్డుని అమెరికా కో కెప్టెన్ మేగాన్ రాపినోయ్ గెలుచుకుంది. ఈ అవార్డు అందుకున్న సందర్భంగా ఆమె మాట్లాడుతూ "ఆనందంలో మాటలు రావడం లేదు. ఎవరైతే పార్టీకి కాస్త ఆలస్యంగా రావడం గమనించారో వారికి ఈ ఏడాది మహిళల ఫుట్‌బాల్‌కు నమ్మశక్యం కాని సంవత్సరం. నిజంగా నమ్మశక్యంగా లేదు. ప్రపంచకప్‌లో భాగం కావడానికి ఈ ఉత్సాహం అద్భుతమైనది" అని అన్నారు.