మెస్సీ భారత పర్యటన ఫిక్స్ - ఆ వారం రోజులు ఫ్రెండ్లీ మ్యాచ్, ఫ్యాన్ మీట్స్​!

భారత పుట్ బాల్ అభిమానులకు గుడ్ న్యూస్. అర్జెంటీనా స్టార్ ఫుట్​ బాల్ ప్లేయర్ లియోనెల్ మెస్సీ త్వరలోనే భారత్ కు వచ్చేందుకు సిద్ధమయ్యాడు. వాస్తవానికి గతంలోనే ఈ విషయాన్ని కేరళ ప్రభుత్వం తెలిపింది. అయితే తాజాగా మరోసారి ఈ విషయంపై మరింత స్పష్టత ఇచ్చింది. అక్టోబర్ - నవంబర్ మధ్య కేరళలో ఒక వారం పాటు లియోనెల్ మెస్సీ ఉండనున్నట్లు మరోసారి కేరళ ప్రభుత్వం పేర్కొంది. ఈ విషయాన్ని క్రీడా మంత్రి వి అబ్దురహిమాన్ తాజాగా ప్రకటించారు. దీంతో కేరళ ఫుట్ బాల్ ఫ్యాన్స్ సంతోషం వ్యక్తం చేస్తున్నారు.

కేరళలో కనీసం రెండు ఫ్రెండ్లీ మ్యాచ్‌లు ఆడేందుకు అర్జెంటీనా ఫుట్‌బాల్ అసోసియేషన్ ​తో తమ ప్రభుత్వం ఒప్పందం కుదుర్చుకున్నట్లు మంత్రి చెప్పారు. మెస్సీ కెప్టెన్సీలోని పురుషుల జాతీయ జట్టు ఈ స్నేహపూర్వక మ్యాచులు ఆడనుంది. "అక్టోబర్ 25 నుంచి నవంబర్ 2 వరకు మెస్సీ కేరళలో ఉంటాడు. కేవలం స్నేహపూర్వక మ్యాచ్‌లు ఆడటమే కాకుండా ఫ్యాన్స్ తో ఇంటరాక్ట్ కూడా అవుతాడు. మీ అందరినీ కలిసేందుకు స్జేజ్ పై 20 నిమిషాలు కేటాయిస్తాడు." అని క్రీడా మంత్రి వెల్లడించారు.

పోటీ ఎవరితోనంటే?
కేరళలో జరిగే ఈ అంతర్యాతీయ మ్యాచులతో అర్జెంటీనా జట్టు ఎవరితో తలపడనుందో ప్రస్తుతానికి తెలీదు. దీనిపై చర్చలు జరుగుతున్నాయి. అయితే. ఫిఫా టాప్ 50లో ఉన్న జట్టుతో అర్జెంటీనా తలపడనుందని తెలుస్తోంది. జపాన్ (15), ఇరాన్ (19), సౌత్​ కొరియా (22), ఆస్ట్రేలియా (24), ఖతార్ (46) ర్యాంకింగ్స్ లో ముందున్నాయి.

ఖర్చు మొత్తం వాళ్లదే!
ఈ అంతర్జాతీయ మ్యా​చులు పూర్తిగా రాష్ట్ర ప్రభుత్వం పర్యవేక్షణలో జరగనుంది. ఈ ప్రతిష్టాత్మక ఫుట్ బాల్​ ఈవెంట్ ను సమర్థవంతంగా నిర్వహిస్తామని క్రీడా మంత్రి ధీమా వ్యక్తం చేశారు. "ఈ హై ప్రొఫైల్​ పుట్ బాల్ ఈవెంట్ నిర్వహించేందుకు ఖర్చయ్యే మొత్తాన్ని ​రాష్ట్రానికి సంబంధించిన మెర్చంట్స్​ ద్వారా అందుతుంది." అని క్రీడా శాఖ మంత్రి అన్నారు.